سنيوريتا😍❤️

4

صحيت الصباح الساعه 4:30 كدا دخلت الحمام وجيت صليت الصبح وقعدت قريت قرآن لحدي الساعه 6 كدا بعديها نزلت تحت سويت الشاي لي ناس البيت ورتبت البيت شويه كدا حتى لقيت ابوي جاء كان في الجامع واتأخر  قعد شرب معاي الشاي.... وانا غسلت عدة الشاي وطلعت فوق لبست لي الجامعه ( لبست عبايه باللون البيجي ومعاها طرحتها لفيت حجابي ولبست اسبورت وشنطة ضهر صغيره كدا  سودا وعملت حبة ميكب وطلعت بي رغم البساطه دي مزززززه+ إشي على 😂 هوى ما تشتغلوا بي كتيير) 😂 طلعت لقيت وجدان ما طلعت دقيت ليها الباب دخلت سلمت على مريووووومه  وصبحت عليها حتى بعد داك نزلت زفتووونه( زفتووونه دي وجدان  بي المناسبة 😂)  وطلعنا الشارع لقينا بتاع الركشه مستنينا ركبنا معاه ومشينا على الجامعه
  ( اوصف ليكم وجدان بت سمراء كدا عيونها واسعه وشعرها طويل لكن ما ناعم يعني مايل لي الخشونه حبتين قصيرونه شويه  وشخصيتها حلوه ومجنونه زيي كدا😌😂)...
هي عندها اخت أكبر منها ودي بتقرا في جامعة السودان واسمها( دلال)❤️...... وعندهم اخوهم أكبر منهم هم  الاتنين اسمو (قيصر)  المهم انا بعرف دلال لكن قيصر دا ما حصل شفتو هو عايش مع حبوبته أم أمو في  الإمارات... ما علينا بيه لكن ما يفوت عليكم وجدان آخر العنقود 😂)

نرجع..........
وصلنا الجامعه و دخلنا قلنا نقعد في البينشات لحدي ما زمن المحاضره يجي  لأننا وصلنا بدري يلا أثناء ما نحن قاعدين جو بتين كدا قعدوا جمبنا
وحده قالت:  اهلين انا لجين
والتانية قالت : وانا لميس
سلمنا عليهم وجدان قالت ليهم : انا وجدان ودي اسمها وتين  وبقولوا ليها "سنيوره" ........
قعدنا معاهم شويه كدا وطلعوا برالمه زينا ومعانا المهم بقوا صحباتنا شدييييد 💕وهم زاتهم ظريفات ظراااافه اتونسنا مع بعض لحدي ما وقت المحاضره جاء دخلنا قعدنا مع بعض و بعد انتهت المحاضره مشينا الكافتريا أكلنا كدا وشلنا أرقام بعض و عملنا شله نحن برانا بس😂❤️ ( يلا اوصف ليكم لجين ولميس.... لجين حلبيه كدا قصيرونه وظريفه وكيوت كدا وبتدخل القلب طوالي ممكن نقول هادئه أو مسكينه حبتين واحيانا ما بتتكلم كتير ( لكن ما تخافوا اسبوعين كدا ونخليها تشتغل زي الراديو تاني خشمها ما بتقفلو بس اصبرو علينا شويه كدا 😂...) خطيرات مش 😂... (اما لميس بت طويله  شويتين تلاته كدا😂 سمراء لكن ما شديد وبرضو ظريفه وجواطه يعني زينا انا ووجدان احم احم. ( طبعا لميس ما شاء الله ما محتاجه تعليم لي الكلام الكتير أو كدا جاتنا جاااااهزه مجهززه😂 الله يديها العافيه وفرت علينا مجهود  بس هسه نحن التلاته انا ووجدان ولميس نعلم لجين الكلام الكتير ما ممكن تبقى شاذه في نصنا ولا كيف يا جماعة  😂هي بعد تقعد معانا لسانها بتفكه براه 😂)
يلا كان فضل لينا محاضره خلصناها وطلعنا.... لميس ولجين مشوا مع بعض وانا  ووجدان طلعنا برا لقينا الركشه منتظرانا ركبنا ( طاااااطااااااااطاااااااطاااااااطااااط😂😂😂  قلت ليكم ما تركزوا معانا شديد بتتجلطوا والله خايفه عليكم انا 😂) وصلنا... وجدان مشت بيتهم وانا دخلت بيتنا وقبل ما ادخل مشيت المول جبت لي شيبس كتيييييير لي انا و رائد وامي وابوي عارفين ما جبت لي آسر لي مش 😉( لي الما عارف.. عشان أمس عامل فيها خلااااص وما اداني معاه يلا مش قلت ليه الموز بجيبك يا قرد يلا جاء وقت اشيل حقي منه 😉😂 انا كمان ما بخلي حقي لي زول خاااااالص😎) بس دخلت زي العصر كدا لقيتهم كلهم متلمين بتغدوا  حتى آسر زاتو قاعد المهم سلمت عليهم
امي قالت لي : تعالى يا وتين أكلي
قلت ليها :جايه جايه
طوالي آسر لفح الكلام قال لي امي : كمان دي دايره عزومه دي لو جات بتاكل لينا الصينيه كلها خلينا نشبع اول حتى نادوها ( شايفين شايفين عشان ما تقولي لي حقرت بيه وما جبت ليه معاي شيبس خساره فيه والله 😂)
قلت ليه : انت مالك كمان مش لو كان عملت شطارتك ولسانك دا في قرايتك كان احسن يا فااااشل ( زي ما قلت ليكم هو ممتحن في سنة تالت)
طبعا انا بعجبكم سكتوا ليكم بي جمله واااحده بس😂😌 (إشي علي😌+ فديتني😉❤️)
أكلنا وبعد انتهينا سويت ليهم الشاي واديتهم الشيبس اول شي أديت امي وابوي وفطيط آسر واديت رائد وجيت قعدت طبعا آسر بقى بعاين لي كدا 😒 وانا كدا 😎 ( احي ياداب بطني بردت 😂)
امي قالت لي: وين شيبس آسر ( قلت ليكم آخر العنقود.. بالله ما لي حق اغير؟؟ والله اغير ونص وخمسه😂)
قلت ليها : أمس اكل سيبس كفاااه
قال لي: انا زاتي ما داير ( كذاب ساي الكلام دا ما من قلبه😂)
في النهايه كدا حنيت عليه لمن قعد يعاين لينا في الشيبس بتاعنا ( هوووي كلو الا وجع البطن دا 😂)
اديتو واحد وقلت ليه: عشان تعرف  انو انا احسن منك بس
وقلت لي امي وابوي : اشهدوا من هسه
ابوي قال لي : بت ابوك بي الجد
بستوا في راسو وقلت ليه اكييييد بت ابوي 😂وامي من هناك بتعاين ساي ( نظام انا مشيت وين 😂) بستها هي برضو قلت ليها : عشان ما تغيري ( فدييييتو البغير انا 😘)
طوالي آسر قال لي :بحبك❤️
انا قلت ليه: يا مصلحجي آكل وانت ساكت
..... بعد أكل الشبس كلو... اتخيلوا قال لي شنو
قال لي: مسيييييخ مسااااخه زيك كدا 😏
اتخيلوا دوريتوس بقى مسيخ شوفوا دا بالله (اردحوا ليكم ولا براكم تاخدوا  حقكم 😂.... خلوه لي بسكتوا ليك هسه😂)
قلت ليه : مسيخخخ انت كيففف تقول على دوريتوس مسيخ... يا مسييخ  وطبعا بابا ما قصر شاكلوا معاي ( شايفين قلت ليكم بابا دا عسسسسل  يسلم لي ❤️) وزي ما قلت ليكم ( دي اسمها الحسنه الملعون 😂💔)  بعد انتهينا لميت العدة غسلتها ورتبت البيت... ومشيت صليت المغرب... وقعدت شويه كدا انتظرت العشاء صليت... ونمت 😴..

#يتبع