سنيوريتا😍❤️

22

  

وعلى كدا  ركبنا معاه انا ووجدان في عربته ( والمره دي ما طاااطاااطااااااطاااااط لالا المره دي ناااان ناااان ناااان نااان 😂😂😂 واي غايتو جنس عواره)... بعد وصلنا البيت
قلت ليهم : انزلوا سلموا
سماح قالت لي : الوقت اتأخر والله بنجيكم بكره
منذر قال : اي والله الوقت اتأخر لكن بكره الجمعة بنجيكم أن شاء الله
قلت ليهم : خلاص ان شاء الله وسلموا على عمتو كتييير بالله
قالوا لي : يووووصل أن شاء الله 😊
وعلى كدا منذر وسماح مشوا وفضلنا انا ووجدان
وجدان قالت : الولد دا ظاهر عليه محترم شديد
قلت ليها : اي والله
قالت لي : زمان كنتي ظالماه ساي 😂💔
قلت ليها : بالجد 😂 لكن ياخ هو كان لميض شدييد
قالت لي : هو برضو اللميض يا فلااانه😉
قلت ليها : ما تغمزي لي يلا اتخارجي
قالت لي : خلاص لي بكره
قلت ليها : اي تعالى ساعديني في البيت  بكره عشان ناس عمتي جايين
قالت لي : خلاص تمام يا زوله اصلا بكره يوم اجازتي وانتِ الا تكرهيني.. من هسه كلمتك اوعى تصحيني من الصبح فاهمه🤨
قلت ليها : وحاااتك شفتي اصحيك قبل الصبح زاتو
قالت لي : واي منك انتِ يا عزابي😂💔
ضحكت فيها😂 وقلت ليها: يلا خلاص اقطعي وشك وسلمي على مريووومه
قالت لي : يلا مع السلامه يا سجم
... وجدان مشت على بيتهم وانا دخلت بيتنا لقيت أمي وابوي ورائد قاعدين دخلت سلمت عليهم
رائد قال : مالك اتاخرتي كدا الليله
قلت ليه : مشينا اتغدينا بره انا والبنات بي مناسبة آخر امتحان وكدا 😊
قال لي : ااااا تمام
قلت لي امي : أمي وين آسر مش الليله كان آخر امتحان ليه؟؟
قالت لي : اي ومشى يلعب كوره... يا بت فرحان اتقول كان مسجون 😂
قلت ليها : بالجد بكون فرحان شديد 😂
قالت لي : اااي
بابا قال : ان شاء الله بعد دا يرفع راسنا
امي قالت : اي ولدي وضاامناه😌 ( ود أمووو عاد كيف ما تضمنو😂 أشعر بالغيره💔)
بس نحن بنتكلم كدا آسر جاء داخل سلم علينا
قلت ليه : وين يا عسل
قال لي : كيفك يا بقره
قلت ليه : انا اقول ليك يا عسل تقول لي يا بقره 😒
ابوي قال لي : يا وتين دي اسمها الحسسسسنه في الملعووون 😂
قلت ليه : صدقت يا نبووو 😂❤️
رائد قال لي : تقولي لي ابوك نبووو 🤨
قلت ليه : اي بقول ليه 😌
ابوي قال ليه : ومالا نبووو بالعكس بتعيد لي ايام الشباب 😂
رائد وامي وآسر في لحظه واحده قالوا : شبااب لكن 😂
قلت ليه : وانت لسه شباب يا بابا يا عسل انت 😘
قال لي : طول ما انتِ معاي انا بكون في عز الشباب
امي قالت ليه : هييي خلاص البت دي كبرت ليك راسك😂
قال لي : شايفه يا وتين امك القاسية 💔
قلت ليه : اي شايفاها😂 عليك الله هسه خليك منها تعال اعرس ليك وحده من صحباتي تكون مزززه كدا وصغييييره
قال لي : طوالي ياخ
بس لقيت امي دايره ترفع الشبشب وتفلعني طوالي فكيت الجريه وطلعت فوق وخليت ليك امي مولعه في الحاج 😂 اما انا طلعت غرفتي وخليت بابا براااه ليه الله بس 😂.. دخلت غرفتي صليت وعلى كده نمت عشان اصحى بكره بدري 😴.....
......

بي لسان منذر :   ....
لاقيتها بعد اسبوع... بعد شفتها زي كأنو ردت فيني الروح... ما عارفه كيف قدرت ما اشوفها اسبوع كامل... ياخ بت بتتحب وبتخش في القلب طوالي😊 بت بي بساطتها بتلفت كل الأنظار بي برائتها بتحسسك انو هي عمرها سنتين بت كدا بس الله يحفظها.. ياخ قعدت حرست سماح عشان ما تخليها تقعد براها😊 بت بتخاف على مصلحة الناس اكتر من مصلحتها بت كدا بتحب الكل❤️... وكمان عنيييده يعني فيها صفااات كدا مميزه شديد والله عنييده بي شكل يعني بتعمل ألفي رأسها دايما وممكن نقول انو دي الحاجة المخليها تكون مميزه ومختلفه مخليها غير كل البنات انا اول مره أشغل بالي بي بت في العاده البنات بجروا وراي جري هسه يا منذر جايي تفكر وتشغل بالك بي بت والله الدنيا دي اااه منها بس المهم هسه يا لطيف يصبح الصباح ونمشي ليهم مع اني في العاده ما بحب امرق ولا امشي لي بيوت الناس لكن هسه بقيت بنتظر يوم الجمعة دا بي فارق الصبر عشان امشي لي ناس خالي واشوفها😂.. ياخ كل ما تلاقيني بتسألني من أمي وبتسالني بي كل لهفه وشوووق❤️... اااه بس ااه كل البقدر اقوله
"اللهم لا تعلق قلبي بما ليس لي" يلا بعد دا انووم عشان اصحى بدري 😴
........

بي لسان سماح : ....
ياخ الليله كان احلى يوم في حياتي❤️ اول مره اطلع مع بنات وتكون نقاشاتنا ونسه وبس ما مشاغلة اولاد وقلة أدب... بالجد وتين وصحباتها ديل اول بنات اتعرف عليهم محترمات ومؤدبات وما عندهم شي غير الهظاار والضحك بنات كدا ما بخلوا مجال لي الحزن في حياتهم بضحكوا رغم الحزن الفيهم بنات كدا ما بخبوا عن بعض حاجه والفي قلبهم على رأس لسانهم بنات بتكلموا بي كل عفويه وظرااافه وحووب وحنيه بالجد انا فخوره بي اني صاحبتهم واتصلحت بي سببهم😊 وفخوره بي تربيت خالي لي وتين وأولاده بالجد مربيين تربية ناس زمان❤️ ناس الزمن الجميل.... ويحليل الزمن الجميل❤️😊! ....
..............

# يتبع