سنيوريتا😍❤️

29

كان ناس منذر جوا دخلوا وقعدوا وكانوا بس عمتي وسماح ومنذر وصاحبو اسامه... دوروا في الزغاريت انا جوني امي وابوي حضنوني وحصنوني وجينا طالعين نزلت مع امي والبنات جو بي ورانا مشيت سلمت على عمتي وسماح بي الاحضان وسلمت على  اسامه ولمن جيت اسلم على منذر دنقرت ومديت ليه يدي وهو بقى بعاين لي كدا😍 ( زي كانو اول مره نشوف بعض😂)  رفعت عيني لقيتو لابس جلابيه كحليه ( مطقم معاي 🙈😂) ومعاها الشال والعمه وحالق دقنو ولابس الساعة بالجد كان أنيق شديد 😍... سلمنا وقعدنا والزغاريت دي تقد الاضان 😂 شويه كدا اتعشينا ولبسنا الدبل منذر كان جايب لي دبله ومحبس وكيس كدا قال لي افتحيه بعدين
... بعد لبسنا الدبل سماح قالت لينا ختوا يدينكم جمب بعض عشان اصورهم ختينا يدينا وصورتنا ورسلت لينا الصور... انا ما عارفه مالي لكن كنت بس مدنقره راسي وما اتكلمت كتير زاتو ( خجلااانه يا جماعه مالكم 🙈😂) ابوي وامي وعمتي واخواني واسامه والبنات باركوا لينا وزغرتوا لمن حلقهم نشف😂
عمتي قالت لي : بالجد فرحت شديد عشان وافقتي ومعليش على الخطوبه البسيطه دي لكن بنعمل ليك عرس تحكي عنه البلد كلها
قلت لها: والله انا فرحت بيها شديد يا عمتو ❤️
... ناس منذر قعدوا شويه ومشوا وكانت بالجد خطوبه رغم بساطتها لكن حلوه شديد ومميزه بعد مشوا البنات فتحوا الاغاني وربوا الحفله قبيل عاملين فيها خجلانين وبتاع... بعد رقصوا وما خلوا غنيه ما غنوها وانا زاتي ما قصرت قعدوا شويه رتبوا معاي البيت ومشوا
بعد البنات مشوا انا طلعت غرفتي غيرت هدومي وجيت صليت ومشيت رقدت في السرير فتحت الكيس الجابو لي منذر كان جواه علبه فيها سلسل فضه مكتوب فيه وتين منذر وبينهم قلب.....
{وتين❤️منذر} بقيت بعاين والله حلو شدييييد وعجبني بالجد زوقو عالي... بقيت بفكر هل دا كان القرار الصاح قلت مدام ما انا استخرت معناتها بعد دا أوكل أمري لله... بالجد ما عارفه لي انا كنت متوتره شديد وحشمي دا ما فتحته في العاده خشمي دا ما بتقفل لكن بالجد كنت خجلانه شديد 😂 حسيتهم زي الغربيبين عني... بس وانا بفكر كدا في رقم غريب اتصل علي رديت
قال لي : اهلين
قلت ليه :اهلا منو معاي
قال لي : انتي دكتوره فايزة؟
قلت ليه : فايزة ولا خسرانة ههاااي😂(واي عارفه نفسي عويره😂)
قال لي : مش معاي دكتوره فايزة ولا منو ؟
قلت ليه : لالا الرقم غلط
قال لي: طيب مالو ارح نتونس انا زهجان
قلت ليه : انت ما نصيح ولا شنو انا مالي ومالك زهجان دي مشكلتك وامشي العب بعيد يا ولد عشان انا كان وصلتك بربطك في العمود فاهم😒
دايره اقفل الخط
الصوت اتغير وقال لي : يا هبله دا انا منذر كنت بهظر معاك😂
قلت ليه : هسه منو فينا الاهبل بالله
قال لي : والله بس كنت داير اشوف ردت فعلك حتكون شنو
قلت ليه : اها وشفتها؟
قال لي : اي طلعتي رداحه وردامه حتى في التلفون 😂
قلت ليه : طيب انت مدام عارفني رداحه وردامه جايي تخطبتي مالك؟
قال لي: ما هو انا عشان السبب دا خطبتك 😊
بس سكتنا مسافه كدا
قال لي : بي المناسبة كنتي حلوه شديد قبيل والفستان اتقول عملوه ليك
قلت ليه : تسلم وانت زاتك ما كنت هييين
قال لي : عجبتك 😉
بس سكت وما رديت
قلت ليه : شكرا على السلسل بالجد حلو شديد
قال لي : عجبك
قلت ليه : اكيييد
قال لي : انا ما مصدق انك وافقت علي 
قلت ليه : انا ما لقيت سبب ارفضك بيه
قال لي : وآسف على الخطوبه الصغيره دي لكن بعوضك في العرس هسه بس عشان الوقت ضيق
قلت ليه : انا عجبتني وعمرها ما كانت الفرحه بي الحفلات ابدااا الفرحه في القلوب ❤️
قال لي : بالجد انا محظوظ بيك😊و يلا بعد دا نومي عشان عندك جامعة وانا بضرب ليك الصباح
قلت ليه :  يلا تصبح على خير
قال لي : وانتي خيييري...!
بس بعد قفل سجلت رقمه... دايره انوم كدا جاتني رساله في الواتس من رقمه
مكتوب فيها: