سنيوريتا😍❤️

14

                                     
يلا دخلنا للمحاضره بعد انتهت مشينا لي الكافتريا اكلنا فطاير وشربنا عصير منقه (طبعا  انا بمووووت في عصير المنقه دا.... ياخ دا الحوووووووووب❤️) يلا وبعد أكلنا وشربنا وملينا  كرشنا دي تمااام😂 دايرين نطلع كدا من الكافتريا
فجأه  وجدان قالت لي: شوفي شوفي😳
قلت ليها : مالك يا مجنونه
قالت لي : عايني هناك..
عاينت لقيت سماح فاكه الطرحه وجادعاها في كتفها وفاتحة العبايه وطبعا تحت العبايه في البنطلون الاضيق من أخلاق منذر داك 😂 وواقفه مع شلة اولاد بس استغفر الله كلهم اي واحد اكعب من التاني ومعروفين في الجامعة انهم كعبين.... وكانت معاها صحبتها نسرين دي ( اصلا نسرين دي هي الخارباها  غايتو صحبة السواد 😏)
قمت طوالي مشيت على سماح وبقيت بعاين ليها كدا😒 نظام دا شنو يا سجم طوالي هي بدت تلبس في طرحتها وتدبس في عبايتها
قلت ليها : قبيل منذر قال ليك شنو😒
قالت لي : وانتِ مالك.😒
قلت ليها : تمام بعد نرجع البيت بوري ليك منذر نشوف مالي دا كويس😊
قالت لي : لالا خلاص والله اخر مره ( يا فااااااره😂)
قلت ليها : ايوه اتعدلي وخليك كدا وتاني كدي القاك ما لابسه الطرحه والله ولا بتعب نفسي واحكي لي منذر بضرب ليه بس وخمسه دقايق بجيك هنا ويشوف بي عينو 😌وتاني الاولاد ديل ما القاك واقفه معاهم فااااهمه😒
قالت لي : لكن ديل اصحابي💔
قلت ليها : اصحابك بتاع شنو هسه ديل اصحاب ليك..... وبقيت بعاين لي الاولاد من فوق لي تحت وهم ساكتين ساااي
قلت ليهم : تاني ما القاكم واقفين معاها وصل
واحد من الأولاد قال لي : مالك يا عسل هايجه كدا
قلت ليه : اول شي منو القال ليك انا عسل؟! في زول قال ليك؟ انا قلت ليك انا عسل ؟!  كدي بس تاني عيدها عشان اديك بالجزمه دا في رأسك احتمال يشتغل😒 ثم ثانيا انا هسه سألتك مالك بتجي داخل غلط يلا انزل انزل المحطه دي ما محطتك معليش 😊
الولد رفع لي اصبع يدو ( على قول اخوي اصبع هوووي داك 😂)
قال لي : انا تتكلمي معاي بي الطريقه دي أنتِ ما عارفاني انا ولد منو ... انا ولد اللواء
قلت ليه : اول شي نزل أصبعك دا وتاني شي ما دايره اعرف انت ولد منو😊 كل البعرفو انك واحد صايع ساي وما منك فايده😊.... قلت لي ولد اللواء لالا ياخ اصلوووو ما بصدق... اها وانا اعمل ليك شنو يعني ولد اللواء ولا ولد الرئيس شخصيا اصفق ليك ولا شنو؟؟!
طوالي الولد عمل انسحاب تكتيكي عشان عرف  انو انا النقاش معاي عقيييييم😂 وعندي جواب لي اييي سؤال ( طبعا ردحت فيه وما خليت ليه حاجه طايره.. اما جبهتو العامله زي ميدان التفحيط دي  قصفتها ليه وريحتو منها 😂💔 كمان انا بهظر في الحاجات الزي دي😂... قلت ليكم انا زوله اتجاهيي واحد لا بلف لا بدور وما بي وشين بجدع ليك الكلام في وشك وبمشي ما عندي اي اتنين تلاته لي اي زول بي النسبه لي الغلط غلط وبس 😌+ اها عجبتكم ؟؟ شفتوا سكت ليكم ولد اللواء😌)
سماح قالت لي : طفشتي لي اصحابي يا غبييه
قلت ليها : احسن مش قلت ليك اختيهم وابيتي.. يلا انا عملت معاك الواجب😊 ويلا قدامي عشان بعد المحاضره دي  نرجع البيت مش فضل ليك واحده ولا كم
قالت لي : اي وحده
قلت ليها :يلا أمشي عشان نطلع بدري لانو ورانا مشي لي السوق....
.............
ومن هناك نسرين تعاين لي بي طرف عينها وتحمر وانا كالعاده بقلب بس 😂 يلا سقت وجدان و هي اصلا مشت معاي وجدان ترجف ساي من ولد اللواء دا ومستغربه مني انا كيف اتكلم مع ولد اللواء كدا😂 بس سماح مشت على محاضرتها ونحن قعدنا شويه كدا في البينشات
وجدان قالت لي : واااي منك لكن كيف تقولي لي ولد اللواء كدا
قلت ليها : ياخ عليك الله دا ولد اهبل ساي وانا دخلتو ليكم في فتيله بس عشان تاني ما يرفع  ليكم راسو ويقدكم بي الافتراء بتاعه دا شابكنا انا ولد اللواء وانا ولد اللواء 😏
قالت لي : واي لكن طيرتي ليه جبهتو 😂
قلت ليها : طريرت ليه جبهتو ساي ياخ طيرت راسو زاتو😂 احسن زاتو عامله من كدا زي ميدان التفحيط😂
قالت لي : لكن الولد دا مفتري بي شكل
قلت ليها : مفتري على روحو ما علينا😏
قالت لي: وسماح كمان ما قصرتي فيها
قلت ليها : مهما كانت الخلافات البينا هي في الأول والاخير بت عمتي وانا ما برضى ليها بي الشين عشان كدا بس حبيت اخوفها عشان ما تعمل الغلط وشويه شويه كدا بطير ليها الافتراء بتاعها دا وبربيها ليك وبخليها تبقى صحبتنا بس اصبري شويه شويه
قالت لي :  اي هي بت كويسه وأهلها كويسين بس صحبتها نسرين دي لو خِتتها تاني ما بتجيها عوجة
قلت ليها : اي هسه انا زاتي دايره اطير نسرين دي بالجد بتغيظني
قالت لي : بس هي تخليها والله تبقى بت عسل ..
ولجين ولميس يسمعوا في كلامنا قالوا لينا : فعلا هي لو خلت نسرين دي أمورها بتتظبط بس انتِ يا وتين حاولي معاها
قلت ليهم : اي انا ما بخليها بس دايره أصلح علاقتي معاها شويه شويه كدا عشان لو بقت قريبه مني  حاقدر افهمها وتفهمني
قالوا لي : اي بس صاحبيها هي بس مشكلتها رأسها خفيف وبتباري نسرين دي لكن بس لو خلتها بتتصلح
قلت ليهم : اي لكن هسه خلونا نحضر المحاضره دي ونتخارج لاني بعد دا حأمشي السوق مع سماح....
......

بي لسان سماح...

يا ربي البعمل فيه انا دا صاح👍 ولا غلط👎... وهسه وتين دي الحاجه العملتها دي صاح؟؟ يعني خربت لي علاقتي بي اصحابي.. ما عارفه لكن رغم الخلافات البينا دي لكن حسيتها بتهتم بي مصلحتي شديد 😊لو ما كان كدا ما كانت جات وشاكلتني... كدي انا احاول اتقرب منها شويه شويه احتمال تصلحني لو انا غلط... لكن هي بالجد شكلها زوله قلبها ابيض وما بتشيل في قلبها على زول... اول حاجه لازم اعملها اكتشف انو نسرين دي تستاهل اصاحبها ولا لا....

# يتبع