سنيوريتا😍❤️

27

يلا جاء دورنا انا ومنذر
قال لي :اها يا وتين نغني شنو ؟؟؟
قلت ليه: ارح نغني غنية ( تعال هنا) بتعرفها؟؟
قال لي: اكييييد
أسامة بدأ يعزف ونحن بنغني
......................
.... والله مشتاااقين والشوق بحر🎵
... طولت وين وين ياخ تعااال تعال هنا الشوق فتر🎵... تعال براااك انت وهوااااك نسام شتاء وضل العصر🎵..
نقعد برااااانا زول ما معانا كدا ما كفانا🎵...
كدا انت روق انا في رجااااك مستني شحتفني الصبر🎵
ياخ والله مشتاااقين والشوووق بحر🎵..
طولت وين وين ياخ تعاااال تعال هنا الشوق فتر🎵
تعال برااااك انت وهواااك نسام شتاء وضل العصر🎵
.....  نقعد براااانا  زول ما معانا كدا ما كفانا🎵
.... وين لو بعيد تعاااال نعيد انا ما سعيد الفرقه نار حر الجمر🎵
... نقعد براااانا زول ما معانا🎵
.. اليوم فريد ارااح سوا سك الحديد نرج القطررررررر🎵
... نقعد براااانا زول ما معانا🎵...
الجو عجيب جو زول بريييد اصلو ما جو الزعل 🎵
نقعد براااانا زول ما معانا 🎵
أزقيك من دم الوريد البقه بس جرعة عسل🎵
نقعد برااانا زول ما معانا  🎵...
ات يا الحبيب خليك قريب ما تكون عنيد انا ما شديد اقعد معاي خلي الخجل🎵..
ياخ والله مشتاقين والشووووق بحر🎵
طولت وين وين ياخ تعااال تعال هنا الشوق فتر🎵..
تعال برااااك انت وهواااك نسام شتاء وضل العصر...🎵
نقعد براااانا زول ما معانا كدا ما كفانا🎵......
...... يلاك يمين نلعب شليل نتذكر ايام الجهههههل🎵
نقعد براااانا زول ما معانا🎵...
ساعة المقيل والدنيا ليل والسحابه شايله شيل🎵
نقعد برانا زول ما معانا.🎵.
الشوق تقيل الدافرو سيل يا حليل جبت الضهر🎵
نقعد برااانا زول ما معانا🎵
وقت المغيرب وقعدتو نتصافى فوق جلسة غزل🎵
.. نقعد براااانا زول ما معانا🎵
.. وش القمر بي طلتو وضل الضحى روح ودخل🎵..
ياخ والله مشتاقين والشووووق بحر🎵..
طولت وين وين ياخ تعااال تعال هنا الشوق فتر🎵
.. تعال برااااك انت وهوااك نسام شتاء وضل العصر🎵...
نقعد برانا زول ما معانا كدا ما كفانا🎵...
كدا انت روق انا في رجاك مستني شحتفني الصبر🎵...
ياخ والله مشتاقين والشوق بحر...🎵🎶
......
انتهينا وانا كنت بغني وانا مغمضه لمن انتهينا وفتحت لقيت منذر بعاين لي وشكلو كان مركز معاي شديد خلصنا وكلهم عجبتهم الغنية وقعدوا يصفروا لينا😂 انا عجبني الجو مشيت قعدت تحت ضل شجره وبقيت برسم في التراب بس فجأة في زول جاء قعد جمبي عاينت لقيت دا منذر
قال لي : عجبتك المزرعه؟؟
قلت ليه : اي شديد ❤️
قال لي: بترسمي في شنو ؟؟
قلت ليه : ولا شي بشخبط ساي 😂
قال لي : أرح خلاص ماشين بعد دا انا جيت انادك
قلت ليه: أرح
مشيت لقيت ناس امي قالوا نمشي بعد دا عشان الوقت اتأخر طلعنا مشينا والمره دي عمتي وسماح واسامه  مشوا مع منذر واسامه أدى عربته لي رائد عشان يوصلنا بيها عشان نحن كتار  وهو مشى مع ناس منذر... امي  وآسر مشوا مع ابوي وانا ولجين ووجدان مشينا مع رائد... وصلنا البيت كنا  تعبانين شديد رائد وصل لجين وجاء ووجدان مشت بيتهم  وانا طلعت صليت ونمت..... 😴
.....
بي لسان منذر : .....
قبيل لمن بتغني كانت مغمضه عيونها وبتأشر بي يدها ياخ صوتها براه حكااايه وسبحان الله طلعت بتحب نفس الغنيه الأنا بحبها 💕 احسن لي انوم وححاول افاتح امي بي الموضوع واخليها تتقدم لي ليها😊.....
..........

.................... مرت الايام والشهور وبقيت في آخر سنه في الجامعة وخلاص قربت اتخرج 🥳🥳.....
آسر بقرا طب الخرطوم والحمد لله دخل المجال العايزه......
...................
في يوم...
صحيت الصباح وعملت روتيني اليومي ونزلت تحت شربت الشاي ومشيت على وجدان ركبنا ركشتنا ومشينا على الجامعة وصلنا لاقينا البنات واصلا كان عندنا محاضره واحده بس حضرناها وانا قلت ليهم انا تعبانه ماشه البيت طوالي... رجعنا انا ووجدان البيت هي مشت على بيتهم وانا قلت امشي اشتري لي رصيد حتى امشي البيت مره واحده... بعد جبت الرصيد وجايه راجعه لاقاني المتخلف الاسمه صلاح دا😤
... ( صلاح دا واحد أهبببل ولصقققه 😒وليه كم وكم بحاول يصاحبني وعامل فيها داير يربط معاي لكن انا ما مدياه وش لانو واحد بتاع بنات وقليل أدب ساي 😏)..
قال لي : يا وتين يا وتين
وطبعا انا عامله فيها طرشاء😂 ومااااشه قلت دا كمان عرف اسمي من وين الاهبل دا😏
بس جاء جاري وقف قدامي
مد يدو عشان سلم علي.. ختيت يدي في صدري
وقلت ليه : النيه وآصله
قال لي : من  متين انتِ  ما بتصافحي؟؟
قلت ليه : من اللحظه دي😊 (واي شفتوا اها عجبتكم ولا لا؟؟)
قال لي :على العموم  كنت بناديك لي ما وقفتي
قلت ليه : ما كنت سامعاك😊
بس دايره امشي كدا...
قال لي: كدي استني داير اتكلم معاك
قلت ليه : أنجز سريع داير شنو
قال لي : لي انتِ بتهربي مني كدا؟؟
بس داير اردح فيه  كدا في زول ناداني أتلفت وراي لقيت دا منذر
قلت ليه : تعال تعال........ جاء
قال لي : خير مالك واقفه هنا
صلاح قال لي :  دا منو يا وتين
قلت ليه : دا منذر خطيبي
صلاح بقى عامل كدا😳
ومنذر عامل كدا 😳
صلاح قال لي : اتخطبتي؟؟
قلت ليه: ايوااان😊
قال لي : مبرووك
قلت ليه : الله يبارك فيك...... بس حمر لي منذر😒 ومشى
قبلت لي منذر اقول ليه معليش بس دا واحد لصقه وانا كنت دايره اطفشو لقيتو عامل كدا😳
قلت ليه : هييي مالك😂.... معليش والله لكن دا واحد لايوق ولصقه ومكرهني العيشه عشان كدا انا قلت ليه انك خطيبي عشان اطفشو بس تمام😊
قال لي : تمام تمام
قلت ليه : اها انت جيت براك ولا معاك عمتو؟؟
قال لي : لالا جيت براي عندي شغل مع خالي نبيل  عشان كدا جيت اتناقش معاه في مواضيع الشغل وكدا
قلت ليه : نننن تمام
قال لي : يلا خلاص مع السلامه انا ماشي
قلت ليه : خلاص مع السلامه...  بس ومشى
انا دخلت البيت أكلت وطلعت على غرفتي صليت وقعدت شويه اتونس مع البنات في القروب...
لجين قالت  : احي يا جماعة تصدقوا نحن خلااااص فضل لينا شهر ونتخرج من الجامعة
وجدان قالت : أحيي بالجد والله كبرنا
لميس قالت : اي والله😂
قلت ليهم : بالجد 😂
... اتونسنا شويه كدا حتى المغرب إذن
قلت ليهم : هي خلاص لي بكره ان شاء الله
قالوا لي: اي يلا مع السلامه....
صليت المغرب وبعديه انتظرت العشاء صليت ونمت......😴...
..........
بي لسان منذر:
ياريتني لو كنت بالجد خطيبك ياخ🙂 ما عارف انا لي اصدمت لمن قالت لي الولد دا خطيبي بالجد بت مجنونه خلاص😂 والله انا بعد دا انتظرت كتير حكلم امي تفتح الموضوع مع خالتي هنادي ويا رب تكون من نصيبي🤲🏻....
.......

#يتبع