سنيوريتا😍❤️

10

     صحيت الصباح كدا الساعة 4:30 عملت نفس الروتين... دخلت الحمام وجيت صليت وخليت سماح نايمه جيت اصحيها أبت تصحى قريت قرآن.... لحدي الساعه 6 حتى بديت البس لبست ( فستان عادي كدا مخطط ابيض بي الأسود كسرت اللون بي طرحه كبديه وشبط بسيط لونه كبدي وشنطة ضهر صغيره كدا كبديه وعملت روج خفييف كدا وطلعت مزززه 😍)
نزلت تحت سويت الشاي وشربتو مع ابوي وكلهم كانوا نايمين قعدت شويه كدا اتونس مع بابا وعلى كدا جات الساعه 7 طلعت ماشه على وجدان وانا في الطريق كدا دايره اقطع الشارع خاته السماعات في اضاني وبسمع في اغاني جيت اشوف شنطتي ما اكون نسيت لي دفتر ولا حاجه وأثناء ما انا بسمع في الاغاني ومركزه في الشنطه في عربيه كانت واقفه بتضرب في البوري وانا ما ركزت معاها وما سمعت البوري اصلا عشان السماعات .. بس جاني فجأه كدا ولد بي وراي عاينت ليه
قال لي : انتِ طرشاء ولا حاجه
طوالي فكيت السماعات وقلت ليه : عفوا انت معاي
قال لي : انا بضرب في البوري ساعه كامله وانتِ واقفه في الشارع كدا...... الشارع دا بتاع ابوووك😠
( طبعا انا حرقتني الجمله الاخيره دي " الشارع دا بتاع ابوك" حرقتني حرقه  وطوالي قلت بس الليله مش بدأ الموضوع انا بتمو ليه  )
طواااالي مسكت الولد  ردحت فيييه ما خليت ليه جنبه ينوم عليها بس وبقيت بتكلم سريييييع ( انا طبعا طبيعي بتكلم سريع فما بالكم في الردح يعني حاجه كدا بس استغفر الله😂)  شاكلتو كدا وما اديتو فرصه يرد زاتو وانا شخصيا ما عارفه نفسي قلت شنو وما قلت شنو من شدة ما انفعلت في ولد الناس وطوالي دخلت لي وجدان
قالت لي : مالك مكرفسه وشك كدا
حكيت ليها قعدت تضحك 🤣

    ...........................
بي لسان الولد هناك....
      بسم الله دي مالها دي بس راديو اتفتح وابا يقفل تاني بسم الله لسه في ناس كدا...
    لكن فيها براءه كدا عجيبه😍 صحي هاجت فيني واي شي وما ادتني فرصه اتكلم لكن بساطتها لفتت انتباهي
     ااه استغفر الله انا مالي ومال بت الناس بت مجنونه خلاص ( وابتسم 😊)
..................
نرجع لي وتين....
   مشينا انا ووجدان الجامعة ولاقينا لميس ولجين سلمنا عليهم وقعدنا شويه كدا في البينشات حتى المحاضره بدت حضرنا المحاضرات واصلا كان عندنا 3 محاضرات... مشينا الكافتريا أكلنا وبقينا مارقين طلعنا بره انا وجدان ولقينا عمو بتاع الركشه منتظرنا ركبنا ورجعنا البيت وفي اليوم دا ما لاقيت سماح في الجامعه ما عارفاها جات ولا لا.... رجعت البيت وجدان دخلت بيتهم وانا دخلت البيت الساعه كانت 4 كدا دخلت ما لقيت زول غير امي سلمت عليها وطلعت غرفتي صليت ونمت لحدي المغرب صليت المغرب واليوم دا ما طلعت من غرفتي خااالص بس كنت في الغرفه وما عارفه سماح مشت وين بتكون مشت لي امها ولا حاجه.. استنيت العشاء صليت ونمت😴
  
..............
في البيت الصباح زي الساعه 7 كان جاري الحديث الاتي....
محاسن  : يا هنادي الليله  منذر دا جايي يسلم عليكم ويعقد كم يوم وتاني نرجع بيتنا مع بعض.
هنادي  :  حباابو والله يعني هسه هو جايي
محاسن :  ااي  هسه وصفت ليه البيت وقال قرب....
شويه كدا الباب دق امي فتحت لقت دا  منذر سلمت عليه ومشى سلم على امو وقعد يتونس معاهم
قالوا ليه :  مالك اتاخرت كدا
منذر : والله جيت قبل ١٠ دقايق كدا.... لكن لاقتني بت في الشارع وقفت اتكلمت كلاام كتييير وسررريع زي البالعه ليها راديو  انا زاتي ما عارفها ولا فاهمها قالت شنو ( عرفتوا البت دي منو؟؟؟ 😉)
محاسن  : غايتو لكن بت غريبه 😂
هنادي : اي والله
                             .................

#يتبع