سنيوريتا😍❤️

8

طوالي بدينا نشاغل فيهم انا ووجدان😂 ( قلة أدب مننا بس 😂)...
انا قلت لي بابا : يا نبوووو يا جمييييل انت ( طبعا هو اسمه نبيل لكن انا مرات بقول ليه نبوو 😂 مالكم ابوي وادلعه زي ما عايزه 😂)
بابا قال : عجبتك😂
قلت ليه : اجي عجبتني عجب.. وعجبت مرتك زاتها😉 ( عارفه لساني طويل )
امي قالت لي : يا بت اتلمي 😂( لي كدا يا نبع الحنان ❤️😂)
وجدان قالت لي رائد : احي عامل زي صباااح العيد  😍 لالا انا انبرشت خلااااص ( قليلة ادب ساي ما تشتغلوا بيها 😂)
رائد قال ليها : تسلمي يا بقرررره ( شفتوا قلت ليكم الحسنة في الملعون 😂)
وجدان قالت ليه : غلطانه انا البشاغل فيك😏... هو زاتو آسر طالع احلى منك😂... آسر تعال هنا يا ولد كدي وري وري😍 لكن ما خطيييير الجللاااابيه سمممحه شغاااله شغغغغل عاد تماام ومافي كلام👍
آسر قال ليها : سمحه عيووونك 😍+ سمحه الشماعه😌 ( وهمي ساي ما  تشتغلوا بيه)
وطبعا انا أبيت اشاغلهم عشان رأسهم ما يكبببر ساي 😂 عملت فيها راااايحه( لكن الصراحه كانوا مزززززز بي شكل 😂)
طلعوا الصلاه وشويه كدا انا ووجدان وامي مشينا نجهز عشان خلاص ناس عمتي قربوا يجوا  لبست لي عباية خليجيه بي اللون البصلي  فيها تطريز بي اللون البيجي لبست معاها طرحه بيجيه ...... وجدان لبست فستان مخطط بي الكبدي والأسود ومعاه طرحه كبدي صلينا ضهر الجمعة  ونزلنا تحت لقينا امي قالت لي: يا وتين عمتك دي خلاص وصلت المطار وهسه ابوكي حيجيبها معاه( طبعا عمتي دي زي ما قلت ليكم كانت في السعوديه وجات هسه وهي هناك قاعدة مع راجلها وبتها وولدها هنا في السودان عشان القرايه وكدا وهي جايه تقعد معانا كم يوم وتمشي بيتها تقعد مع أولادها  هم عندهم بيت هنا قاعدين فيه بتها  وولدها لكن ما حصل جونا)
قلت ليها : خلاص سمح
وعلى كدا قعدنا نتونس شويه كدا وجوا داخلين آسر ورائد.... وابوي مشى يجيب  عمتي من المطار قعدنا شويه كدا وانا وآسر ورائد ووجدان نشيل ونتشاكل ونقرص في بعض 😂
   شويه كدا جاء داخل بابا ومعاه عمتي وبتها( بتها دي  مشت تستقبل امها في المطار مع ابوي  وجات لينا) .... انا كنت في المطبخ بس جاتني وجدان جارريه جري وعامله كدا 😳
قالت لي: ما شفتي بت عمتك طلعت منو 😳
قلت ليها :منو؟؟
قالت لي : وحده من البتين ألفي الجامعه الاقيناهم اول يوم ديلك الغشونا بي القاعه الغلط والكشحتي فيها العصير
قلت ليها : كذااابه بكون شبه ساي😂
قالت لي : لالا ما شبه انا متأكده
قلت ليها : كدي دقيقه اشوفها لمن شفتها لقيتها فعلا دي وحده من البتين ديلك طبعا بقيت عامله كدا😳 سويت ليهم عصير  منقه ( تتذكروا لمن كشحت فيها عصير المنقه  احي يا قلبي 😂)
بس وديت ليهم العصير وسلمت عليهم وأديت اي زول العصير بتاعه والبت تشيل وتحمر لي ( هي تحمر وانا اقلب 😂)  لمن وصلتها قبل ما اديها العصير
امي قالت لي: دي عمتك محاسن ودي بتها سماح ( طلع اسمها سماح ) سلمت عليهم تاني وجيت أدي البت العصير من هناك وجدان بتنادي فيني تعالي تعالي...
وانا مركزه مع وجدان وشغاله ليها مالك مالك بس كان وقعت وكشحت العصير في سماح 😂 ( لي المره التانيه  لكن المره دي ما قاااصده والله ما قاااصده 😂انتوا مصدقني مش؟؟ مصدقني ولا لأ😂؟؟ ... والله ما قاصده حرفيا كدا البت بي سببي تاني عصير المنقه دا ما بتختو في خشمها 😂)
طوالي البت هاااجت وامها بقت تسكت فيها
وانا طبعا قلت ليها :معليش والله ما قاصده
قالت لي : لا قاااصده😠
المهم خليتها هايجه ومشيت لي وجدان😂 ( طبعا بس عشان امي قاعده أبيت اردح في البت لكن لو ما كان كدا كان دخلتها في فتيل 😂)   
قلت ليها: يا بقره هسه بي سببك كشحت العصير في البت😂
قالت لي : احسن زاتو خليها😂...
قالت لي: انا بعد دا ماشه بيتنا اتأخرت
قلت ليها : خلاص تمام امشي وانا بضرب ليك بعدين وجدان مشت وانا شلت عصير تاني عشان اوديه لي سماح بدل الاتكشح 😂 شلت ليها عصير منقه وختيتو ليها جمبها ( ما تخافوا المره دي وصلت العصير بي سلام😂) يلا البت حلفت كان تخت العصير في خشمها ( قلت ليكم كرهت البت في العصير😂) امي وامها شغالين ليها اشربي اشربي وهي بتمشي فيهم ساي اي اي خلاص بشرب وتشششيل وتحمر لي ( وانا كالعاده بقلب ليها بس 😂).....
امي قالت لي عمتي : وين ولدك؟؟
عمتي قالت ليها : مشي لي صحبو لكن بجي أن شاء الله
شويه كدا رصينا الغداء وقعدنا ناكل كلنا ونتونس وعمتي تسأل فيني
قالت لي : انتِ بتقري وين
قلت ليها : في جامعة الخرطوم صيدلة❤️
قالت لي : والله صدفه بتقري مع سماح كويس والله ( هي طبعا ما ناقشه انو نحن من زمااان اتصادفنا... وما اي صدفه كمان صدفه خطيييره 😂)
أكلنا وجيت ألم الصفره طبعا سماح دي زي ما قلت ليكم زمان مااااايعه بي شكل😫 انا شخصيا بتطمم لي بطني ولا ملعقه ما رفعتها تعاين لي بس  وديت العده وغسلتها وسويت ليهم الشاي وشلت معاي البسبوسه العملتها قبيل ديك ووديتهم  عمتي قعدت تمدح وتشكر فيني 😌(إشي على 😂+ راسي كبر شديد امسكوه لي )
قالت لي أمي : بتك ما شاء الله عليها خلقه واخلاق وبتساعدك في البيت وبتعرف تطبخ كمان  انا سماح دي مطلعه زيتي  قشه ما بترفعه ( واي امها فضحتهااااااا وااا فضيحتاااه😂)
امي قالت ليها : اي ربنا يخليها لي ( ويخليك يااا عسسل ❤️🤲🏻)
طبعا سماح اتغاظت عشان امها شرت ليها غسيلها قدام البيت كلو 😂 ( دخلتها في ضفورها طبعا 😂)
وآسر ورائد بي تحت بضحكوا فيها وبتنطنوا  قالوا قصف أرضي جوي😂و على كدا صلينا العصر.... المغرب كدا مشينا بره في الحوش طبعا فرشت السراير ورشيت الحوش وقعدنا نتوووونس كدا لحدي العشاء وفي النهايه لمن نعسنا خلاص جو يوزعوا الغرف في غرفه واااحده بس فاضيه قعدت فيها عمتي وانا وسماح قالوا نقعد مع بعض😏 يعني هي تقعد معاي في عرفتي😩( الله يصبرني انا بس البت اكييييد حتنتقم 😂) وانا طبعا في الأول ما كنت راضيه وهي زاتها ما كان عاجبها الوضع( هيييي كمان هي  لاقيه لمن اقعدتها معاي في غرفتي 😏 انا غرفتي دي ما بخشها الا كل عزيز 😂💔) لكن نقول شنو يعني نسكت بس يلا دخلنا الغرفه وانا طبعا بس واقفه لي البت في حلقها ( امي وماف كدا يا داب ابدا معاها الشغل  الجد 😂) خلوها لي بس بي مياعتها دي بربيها ليكم😂💔
عملت ليها كترة دراااامات في الغرفه بحكي ليكم بعدين😂 ..
    
   # كسره...
اوصف ليكم عمتي مره في بداية الأربعينات كدا حلبيه وقصيره حبتين كدا وسمينه شويه   وظرررريفه ظررراااااافه بس عسل بنقط يعني انا حبيتها😊 هي طبعا عكس بتها المايييعه دي لكن ما علينا بيها عمتي اسمها محاسن عندها سماح دي وولد تاني قالوا اسمو منذر
..........
سماح دي بت حلبيه كدا حلاتها لكن بعيد عنكم خلقه بس اخلاااق مااااااااف  مفتريييييه بي شكل عامله فيها يا دنيا ما فيك الا انا ( اها بالله تستاهل ادخلها في فتيل ولا ما تستاهل؟؟ 😂)
         

#يتبع