سنيوريتا😍❤️

19

صحيت الصباح زي الساعه 4:30 دخلت الحمام استحميت وجيت صَحيت سماح صلينا الصبح وقرينا سورة الكهف❤️
سماح قالت لي : انت عارفه يا وتين انا لي اكتر من 5 سنين ما قريت سورة الكهف يوم الجمعه💔
قلت ليها : جاده انتِ😳
قالت لي : اي والله💔
قلت ليها : من الليله تاني اقريها اتفقنا 👍
قالت لي : حااااضر اتفقنا......
بعد ما خلصنا سورة الكهف.. قريت شويه كدا عشان امتحاناتي بكره قرينا لحدي الساعه 7.. نزلنا تحت سوينا الشاي وشربناه انا وهي وامي وعمتي.... بابا كان نايم وآسر بقرا عشان هو زاتو امتحاناته قربت شديد.. ورائد ومنذر نايمين.. نحن بعد شربنا الشاي انا وسماح نضفنا البيت ( شايفين شايفين مش قلت ليكم اصبروا على انا بغيرها ليكم 😂يلا اها ما قصرت معاها نهااائي 😂)... بعد نضفنا البيت وخليناه يسوي كدي👋عملت بخور.. وطلعت فوق قريت لحدي الساعة 10 ونزلت تاني سويت الفطور مع امي بعد ما سوينا الفطور امي قالت لي امشي نادي ابوك و الاولاد ديل لي الفطور وصحيهم لي الصلاه... مشيت صحيت بابا وبعديه مشيت لي آسر لقيتو بقرا
قلت ليه : ارح افطر وتعال كمل قرايتك
قال لي. : خلاص جايي
مشيت بعديه لي رائد ومنذر دقيت الباب ودخلت لقيتهم الاتنين نايمين بقيت بصحي في رائد ما صحى لي ( قلت ليكم بنوم زي البقره😂💔) ومشيت على منذر
قلت ليه :منذر قوم خلاص كفاك نوم
برضو ما صحى لي بقيت بضرب فيهم لحدي ما منذر صحي بعديه صحى رائد وبقى بشاكل فيني😂
منذر قال لي : خير مالك
قلت ليه : الفطووور والصلاه
رائد قال لي : انت ما بتعرفي تنادينا الا لي الاكل بس ؟ 😂
قلت ليه : اااااي😂
قلت ليهم : انتوا قريتوا سورة الكهف ولا نايمين ساي ؟؟
قالوا لي : ياداب صحينا
قلت ليهم : قوموا يا بقر امشوا افطروا وتعالوا أقروا سورة الكهف عشان تمشوا الصلاة
منذر قال لي رائد : البقر ديل نحن ولا منو
رائد قال ليه : اي اي البقر ديل قالوا نحن 😂💔
قلت ليهم : يلا قوموا ياخ انا جيعانه زاتي ما فاضيه ليكم وما بنستناكم
قالوا لي : يا بت انتِ ال ٢٤ ساعه جيعانه😂
قلت ليهم. : ااااي يلا يلا انا ماشه بعد دا
... نزلت تحت فطرنا أثناء ما نحن بنفطر كدا
عمتي قالت : والله يا جماعة نحن بعد دا راجعين بيتنا
قلت ليها : لي يا عمتو في زول زعلك🥺
قالت لي : ابداااا والله انتوا ما قصرتوا معانا... لكن نحن زاتنا طولنا معاكم وبعد دا راجعين بيتنا
امي قالت ليها : اقعدوا ياخ والله ونستونا وآنستونا
عمتي قالت : والله نحن زاتنا اتبسطنا معاكم😊
قلت ليها : ما تمشوا يا عمتو ياخ نحن اتعودنا عليكم وانا ما صدقت لقيت سماح دي عشان تقعد معاي.. كفاي عشت مع الاولاد ديل كتير ياخ 😂
عمتي قالت لي : اي والله سماح زاتها اتعلقت بيك و إتغيرت بي سببك جزاك الله خير
قلت ليها : انا زاتي اتعوده عليها يا عمتو💕.... دا واجبي بس انتوا ما تمشوا 🥺
سماح قالت : انا زاتي اتعوده على وتين وهناك في البيت ما عندي اخت اقعد معاها زاتو.. ومنذر اليوم كلو في الشغل
قلت ليها : خلاص حنكي معاي الحجه دي😂
عمتو قالت : والله بنجيكم كل جمعة وما بنتقطع منكم
قلت ليها : يا عمتو نحن ما صدقنا لمينا فيك ياخ يا داب اتعرفنا عليك خليك اقعدي معانا
بابا قال ليها : تعالوا اسكنوا في الطابق الفوق نحن عملناه لي رائد لمن يعرس وشكلوا كدا حيقعد لينا كدا 😂
رائد قال ليه : لي قصف الجبهات دا يا حاج 😂
عمتي قالت : نحن ما على فوق وتحت نحن بس قلنا نرجع بيتنا وما نتقل عليكم اكتر من كدا
رائد وآسر برضو بقوا بحنسوا في عمتي
منذر قال : نحن زاتنا اتعودنا عليكم لكن بعد دا نرجع بيتنا وزاتو نحن ما بعيدين منكم بنجيكم كل جمعة وما بنقصر والله نعمل ليكم وجع وش عديييل 😂
عمتي قالت : اي بنجيكم والله وما بنتقطع منكم
.... بس انا زعلت وأبيت اتكلم مع زول وهم ماشين المغرب ...  بعد فطرنا سوينا ليهم الشاي ( طبعا في بيتنا الشاي دا عندهم زي الصلاه استغفر الله بس 😂 لازم لازم يشربوا الشاي دا بعد كل صلاه 😂)... الاولاد طلعوا لي صلاة الجمعة والجلاليب دي تتطاقش وتسوي كدي 👋  انا خليتهم ومشيت طلعت غرفتي زعلت عشان ناس عمتي ماشين قريت لحدي العصر كدا كنت انتهيت خلاص.. صليت ونزلت تحت اقعد مع ناس عمتي شويه قبل ما يمشوا... قعدت اتونس مع عمتي وسماح
قلت ليهم : حتفرقوا معانا والله 💔
عمتي قالت : وانتِ زاتك يا وتين حتفرقي معاي والله انا زاتي ما عارفه حقعد بدونك كيف😔💔
قلت ليها : خلاص أسكنوا معانا 😊
قالت لي : بنفكر ( وكانت بتمشي فني ساي💔)
قلت لي سماح : انا تاني اتناقر مع منو 😂
قالت لي : شايفاك ما مقصره مع رائد وآسر ( واااي شالت حالي 😂)
قلت ليها : لكن انتِ اللماضه معاك عندها طعم خاااص😂
قالت لي : انا زاتي تاني اطين عيشت منو 😂
قلت ليها : بالجد حتفرقوا معانا 😔💔
وحسيت نفسي حأبكي 🥺عشان كدا مشيت المطبخ وقعدت ابكي 😭💔وما لاحظت انو منذر وراي فجأة كدا ظهر
قال لي : زعلانه عشان حنمشي؟؟
هزيت ليه راسي بي معنى اااي
قال لي: والله نعمل ليكم وجع وش ونجيكم كل جمعة
قلت ليه : برضو حتفرقوا معاي شديد انا اتعوده عليكم وعلى عمتو وسماح
قال لي : والله وعد مني ليك اجيبهم ليك كل مره وانتِ زاتك اعملي لينا وجع وش و تعالي لينا 😂بس اضربي لي انا بجي بوديك وبرجعك
قلت ليه : طبعا انا اصلا في وجع الوش دا ما بقصر إطمن 😂
قال لي : عارفك عارفك ويلا اضحكي وخليك دايماً ضاحكه اصلو الزعل ما ليك والله
بس ابتسمت ليه وطلعت😊
جهزنا الغداء واتغدينا وسويت ليهم الشاي وقعدت معاهم شويه نشيل ونضحك ونتونس
قامت عمتي قالت لي : انتِ مدام حنفرق معاك كدا تعالى اسكني معانا
قلت ليها : لالا كيف اخلي امي وابوي واخواني
قالت لي : حيجي يوم وتخليها.. وغمزت لي 😉
قلت لها : الله يحينا لي الوقت داك 😂
قالت لي : انتِ زاتك تعالي لينا ونحن برضو بنجيكم وما بنقصر
قلت ليها : اكييييد بجيكم
وعمتي بقت بتعاين لي شكلها دايره تقول لي حاجه لكن ما عارفه توصلها لي كيف... انا قمت وخليتهم وطلعت فوق غرفتي ما نزلت الا المغرب عشان اودعهم
ودعتهم وانا ببكي زي كأنو ما حشوفهم تاني بكيت جنس بكى لمن عمتي زاتها بكت معاي 😭💔
ودعت عمتي وسماح بي الاحضان
جيت لي منذر قلت ليه : يلا مع السلامة وما تنسى وعدك لي حتجيبهم كل جمعة 😔
قال لي : بي الحيل اكييد بجيبهم 😊وعاين لي مسسااافه كدا وانا ببكي زي الأطفال
عمتي قالت لي : ما تبكي والله نجيكم
سماح قالت لي : ياخ والله نجيكم وانا زاتي بلاقيك في الجامعة كل يوم تمام.. وقربت مني وقالت لي في اضاني : اصلا نسرين ودقيتها😂 واصحابي الاولاد انتِ خربتي لي علاقتي بيهم😂 يعني انتِ مجبوره تصاحبيني بعد طفشتي لي ناسي 😂
ضحكت وقلت ليها :خلاص تمام انتِ زاتك تعالى اتونسي معانا في الجامعة أنا والبنات
قالت لي : تمام ان شاء الله يلا سلمي على وجدان
قلت ليها : يوووصل❤️
ومشوا وانا طلعت غرفتي وانا ببكي 😭 💔
......

#يتبع