سنيوريتا😍❤️

28

صحيت الصباح دخلت الحمام صليت وجيت قريت شوية قرآن وكنت تعبانه شويه  قلت يا ربي امشي الجامعة فكرت لقيت اصلا الليله في محاضره واااحده وزاتها ما مهمه شديد يعني ما ضروري امشي  قلت خلاص الليله ما امشي احسن اقعد في البيت... نزلت تحت سويت الشاي وقعدت مع ابوي
قال لي: مالك ما لبستي ما ماشه الجامعة ولا شنو؟
قلت ليه : لالا والله دايره ارتاح شويه الفترة الفاتت دي كلها تعبت وزيتي طلع وقلت الليله ماف داعي امشي اصلا المحاضره ما مهمه شديد
قال لي : اهااا لالا كان كدا تمام
... شربنا الشاي وابوي لبس وطلع الشغل ورائد برضو شرب الشاي ومشى الشغل وآسر مشى الجامعة
... بقينا قاعدين في البيت انا وامي
الباب دق فتحت لقيت دي وجدان
قالت لي : سجم وينك انا منتظراك لي ساعه ودا شنو ما لبستي لي😳
قلت ليها : والله الليله دايره ارتاح واصلا المحاضره دي ما جايبه حقها عشان كدا ما حأمشي الليله
قالت لي : خلاص زحي لي اخش انا زاتي ما ماشه البوديني شنو وانت قاعده هنا😂
قلت ليها : خلاص خشي😂
دخلنا ووجدان ضربت لي امها قالت ليها انها ما مشت الجامعة وحتقعد معاي ..... سوينا الفطور وبس ختينا الصينيه كدا الباب دق..مشيت فتحت الباب لقيت دي عمتي طوالي نطيت فيها سلام واحضان❤️
قالت لي : احي براااحه على قتلتيني😂
قلت ليها : خلاص خلاص خشي😂
دخلت وفطرت معانا بعد انتهينا انا ووجدان لمينا العده وغسلناها وسوينا الشاي ووديناه
عمتي قالت لي : مالك الليله ما مشيتي الجامعه انتِ وصحبتك
قلت ليها : والله الليله المحاضره بايخه ساي وانا زاتي دايره ارتاح شويه
قالت لي : لالا تمام كان كدا
قلت ليها : كيف سماح ومنذر ولي ما جوا معاك؟؟
قالت لي : كويسين والله سماح في البيت ومنذر في الشغل
قلت ليها : تمام والله سلمي عليهم بعدين
قالت لي : ييوووصل
... أمي مشت المطبخ وعمتي لحقتها.....
.......
بي لسان منذر :   .....
جيت الشغل وانا سرحاااان بفكر في وتين جاني صحبي اسامه دخل وبقى بتكلم معاي وانا سرحان وما جايب ليه خبر... فجأه طقطق دي بي أصابعه
قال لي : وييين سرحان؟ الشاغل بالك اتهنا😉
قلت ليه : اهلين اخبارك شنو
قال لي : تماام اها أنت كنت سرحان في شنو
قلت ليه : بفكر في زول
قال لي : بت ولا ولد
قلت ليه : بت ( وهو طبعا زي اخوي وما بعرف أدس منه حاجه وهو برضو)
قال لي: سبحان الله من متين انت بتشتغل بي البنات😂
قلت ليها : والله شفت الدنيا دي كيف😂
قال لي : دي منو تعيسة الحظ اقصد سعيدة الحظ
قلت ليه  : بت خالي
قال لي : دي المزه اللاقيتها يوم المزرعه داك
قالت ليه : اي واحسن تتلم 😒
قال لي. : بتحبهاااا ؟؟!
قلت ليه : ياخ بحبها شنو انا بعشقهاااا عديل 😍❤️
قال لي: طيب إعترف ليها
قلت ليه : خايف ترفضني واخسرها
قال لي : لو بتحبك ما بترفضك
قلت ليه : انا هسه كلمت امي تعرض عليها الموضوع وتتقدم لي ليها وربنا يقدم الفيه الخير وان شاء الله تكون من نصيبي 😊
قال لي : أن شاء الله والله عرفت تختار يا ابو الشباب وطلعت ما هين😉 لو ما كنت دايرها كنت انا خطبتها والله
قلت ليه : احسن تتعدل 😒
قال لي : ماف حب من غير عذاب
   وبدأ يغني لي....
.... مافي حب من غير عذاب 🎶
مافي عاشقاً ما شقا🎶
مافي زول عن حبو تاب يااا قلبي مالك عاشقها؟! 🎶
.....
بس بعد انتهى من الغنيه طلع وانا بقيت بتبسم😊 وبدعي واقول " اللهم لا تعلق قلبي بما ليس لي🤲🏻"
.....
كسرة.....
سؤال؟؟!!