စည်သူနှင့် ရန်ဖြစ်ပြီး နောက်တစ်ရက်၌ သုတသည်
မနက်စောစောထလျက် အဆောင်မှူးနဲ့ သွားတွေ့လေရာ တက္ကသိုလ်တစ်ပတ် လမ်းလျှောက်ပြန်လာသော အဆောင်မှူးနှင့် ရုံးခန်းပေါက်ဝမှာ ဆုံရ၏။
“ ဟာ သုတ။ ဘာလုပ်နေတာလဲ ”
“ ကျတော် ဆရာ့ကို ပြောစရာရှိလို့ဗျ ”
အဆောင်မှူးသည် Mechanical မေဂျာမှ ဘာသာပြဆရာ
တစ်ယောက်ဖြစ်သောကြောင့် အားလုံးက ဆရာဟုပဲ ခေါ်ကြလေသည်။ နှစ်ယောက်သား ရုံးခန်းထဲဝင်ပြီး
ကိုယ့်နေရာနဲ့ကိုယ် မျက်နှာချင်းဆိုင် ထိုင်ကြသည်။
“ ဘာကိစ္စများလဲ ”
“ ကျတော် အခန်းပြောင်းချင်တယ်ဆရာ။ ဒီအခန်းမှာ မနေချင်တော့ဘူး။ အဲတာလေး လာပြောတာပါ ”
“ ဟေ ဘာဖြစ်လို့လဲ။ ဘာပြဿနာရှိလို့လဲ ”
“ ဒီတိုင်းပဲ ကျတော် ဒီအခန်းမှာနေရတာ
အဆင်မပြေလို့ပါ ဆရာ ”
“ ဘယ်လို အဆင်မပြေတာလဲ ”
အဆောင်မှူးက ပြဿနာရဲ့ အဓိက အကြောင်းရင်းကို သိချင်နေသည်။ ဒါမှ ဖြေရှင်းပေးနိုင်မည်မဟုတ်လား။ သို့သော် သုတ ပြောမပြချင်။ သူကိုယ်တိုင်က
Gay များနဲ့အတူမနေချင်၍ အခန်းပြောင်းဖို့သာ
ကြိုစားမိသော်လည်း မိမိ၏ အခန်းဖော်များကို Gay ဟုသိသွားကြပြီး လူတကာက အမြင်တစ်မျိုးနဲ့ ကြည့်ကြမှာကို မလိုချင်ပြန်။
“ ဒီလိုပါပဲ ကျတော့် အကျင့်နဲ့ သူတို့နဲ့ အဆင်မပြေတာပါ ဆရာ။ အဲတာ ကျတော် ပြောင်းလို့ရမလား ”
ဆရာက ခေါင်းရမ်းပါသည်။
“ မင်းက အခုမှလာပြောတာကိုးကွ။ အခန်းတိုင်းမှာ အကုန် လူပြည့်သွားကြပြီ။ ပြောင်းပေးလို့မရတော့ဘူး ”
သုတ သက်ပျင်းချရလေပြီ။
“ ဒါပေမယ့် တစ်နည်းတော့ရှိတယ်ကွ။ မင်းနဲ့ အခန်းလဲချင်တဲ့သူရှိရင် လဲပြီးနေလိုက်ရင်တော့ ရတယ်။
အဲတာ မင်းအခန်းလဲချင်တဲ့သူ လိုက်ရှာမှရှာမယ် ”
သုတ၏ မျက်လုံးများ၌ မျှော်လင့်ချက် ရောင်ခြည်တန်းတစ်ခု ဖြတ်ပြေးသွားလေသည်။
ESTÁS LEYENDO
သူငယ်ချင်းသုံးယောက်အကြောင်း [ Zawgyi + Unicode ] Completed
Novela Juvenilမမျှော်လင့်ဘဲ အခန်းဖော်သူငယ်ချင်းနှစ်ယောက်ဟာ ဂေးဖြစ်နေမှန်း Straight ယောက်ျားလေး သိသွားတဲ့အခါ ....
![သူငယ်ချင်းသုံးယောက်အကြောင်း [ Zawgyi + Unicode ] Completed](https://img.wattpad.com/cover/246231726-64-k72468.jpg)