إنطفاء نجمة
للكاتبة :Hawraa
.. أشعر بأني حقا مرهقة، أريد العيش
حلما دونَ أن استيقظ.
.............
المقدمة...
. من أنت؟
ضهرت فجأةً جَعلتَ من حياتي
مُلونة بِالاسود القاتم ،
والأبيض الناصِع مَعاً
أنرتَ عَتمتي، شَعرت بأنني أحيا مُجدداً
مستجيبة لمبتغى قَلبيَ المُنهَك
شَعرتُ بأن الحظ قَد حالفني وأخيراُ
وفجأة، اطفأتني جَعلتني أبدا جَمع
شُتات نَفسيَ المُبعثَر في كُل مَكانٍ كانْ
، ولما بدأت استنشق عبيرُ زَهرتي
وأنا اتناسا طَيفك ألذي يُلاحقني أينما
مَكثت، يُلاحقني حتى في أحلامي،
أتيتَ انت!
ومن جديد، عاد قَلبيَ نابِضاً.
بقلمي / حوراء 🖤
...............
ترف...
كاعدة واهز برجلي بخوف وقلق واطكطك بأصابعي حيلي كلة يرجف ميتة من الرعب، شديصير وين جنت ووين صرت حياتي انكلبت فوك ماهي مكلوبة وين ابوي عني وين امي الي متعرف حتى شكلي اوف يا حضي جبت حياتي كلها ممستقرة ومتخوفة من كلشي
انتبهت جنت كاعدة بمكان اشبه بالمهجور الشبابيك تطلع صوت من الهوى والمطر الجو مغيم وكئيب بداية شتى ، وصوت الرعد وحدة كافي انو يخرعني شفت ملابسي مخربطة وشعري مكزكز ما ممشط عبالك ، اباوع على نفسي بعدني بالبجامة مال البيت
دحرجت عيوني على الكاع رفعت رجلية منقرفة كلش، وعاقجة ملامحي يربي شهل اوفر ممتعودة على هيج بيها مثل الزولية كلها تراب وجرباية نفر اني كاعدة عليها
وكبالي طبلة بلاستك بيجية، وعليها دولكة مي برتقالية ويمها كلاص عيع الله يعلم منو شارب منها يربي شلون بية حتى من نفسي انقرف جانت الغرفة مصبوغة ابيض وكلة مطكع وقديم وواكع منة ومتكشر من
الرطوبة ،والباب حديد مطعجة وبس تطلع اصوات مزعجة، فجأة كمت بفزع وخوف واني اصحى من شرودي بهألمكان من انفتحت الباب حيل ودخل هو
بلعت ريكي بخوف واني اتراجع ليورة شفت عيونة
الناعسة تباوعلي وقميصة الاسود المفتوح وضاهر صدرة الاسمر وبي عدة وشوم معناهن مجهول كلش والقميص مرفوعة الاكمام ملاتة وضاهرة دمارات ايدة البارزة بوضوح
كم من مكاني وكتلة بصياح اول مدخل
... انتتت هيووو شبيييك وين جايبنييي بهل قرررف صدك تحجييي هسة ترجعني للبيت ماااريد ابقى دقيقة يمك
وكف مكتف ايدي ومضيق عيونة ورافع حواجبة هالتة ووسامتة خلتني اضل صافنة عليه شكد اكررررهة من اول مشفتة مرتاحيتلة وهسة دينكشف على حقيقتة، كتلة من بعد صمت بحذر
... تدري مامرتاحتلك ابد؟
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
