الكل يعرف الغيبه من اشد الذنوب 🔥 بس اكو موارد للغيبه حلال اقرأها👇
هذا التنبيه والنصيحه مهمه جدا لمجتمعنا اكو عدد من النقاط تجوز الغيبه اقرءها مفيده...👈أولا الغيبه الي اسمها نصح المستنصح هاي معناها اذا اجه شخص ويريد يخطب فتاة اكيد راح يسأل الناس القريبه ع اهل الفتاة يسأله شخص هو يعرف شنو عيوب الفتاة بس يخاف يگول حرام او افضح الفتاة او غيبه لا تعتبر غيبه بهذا الموضوع مادام بيه عيب يرتبط بزواجه انصح الشخص الي يريد يتزوجها اصلا أحتمال تحصل ع ثواب لان انت من تسكت وهذا من يتزوجه وتطلع فتاة وقحه او فتاة لا تصلح للزواج نهائيا أكيد راح اغلب الأحيان يصير طلاق والعكس حتى اذا فتاة سألت ع الشاب لازم النصيحه لها ويجب ذكر عيوب الشاب المحدوده للزواج☘☘☘
ثانيا النهي عن المنكر اذا تشوفلك شخص يعصي وهو فاسق وتدري اذا گلت للناس القريبه عليه يروحون ويحجون عليه وياثرون عليه ويبطل هاي المعاصي نعم يصير تأخذ غيبته لهاي الناس الي راح يحجون عليه🌿🌿🌿
ثالثا الأنتصار ع الظالم معناها مثلا اذا أبنيه ظلمها زوجها وضربها يجوز لها فقط ان تتكلم مع الأشخاص الي يگدرون ياخذون حقه او يتكلمون مع زوجها حتى يكف وكذالك الزوج ايضا يجوز الهم فقط ذكر الظلم الي يظلمه وليس العيوب الي بعيده عن الظلم🌱🌱🌱
رابعا لا غيبة على الفاسق معناها مو اي فاسق فقط لا غيبة على الفاسق الي متجاهر بفسقه يعني يعصي الله علنا گدام الناس مثلا يسمع غناء گدام الناس وعنده عادي تگدر تحجي بغيبته فقط ع المعصيه الي يسويها او يشرب خمر وعنده عادي تكدر تاخذ غيبته ع المعصيه المتجاهر بيه🍁🍁🍁
خامسا غيبة جرح الشهود يعني معناها مثلا انت بمحكمة وتريد تاخذ حقك واكو شهود ضدك حتى ينتصرون عليك وهم اصلا كذابين أكيد لان يعرفون الحق وياك وانت تعرف فسقهم أهنا يجوز لك ان تفضح عيوبهم گدام القاضي حتى تدافع عن حقك مثلا هم كذابين او همه اصلا سراق او هم فاسدين وبهذا الشي تدافع عن حقك🍃🍃🍃
سادسا وأخيرا الغيبة لدفع الضرر مثلا مؤمن واگع بمشكله عند ناس ويريدون يسجنوه او يظلموه يجوز ان تدافع عنه وتذكر عيوبه گدام الناس مثلا تگلهم هذا بيه مرض خطير او بجسمه شي بحيث يتركوه 🌹🌹🌹
هذا الكلام ليس من قلبي بل من فقهاء الشيعه وأكيد كل الفقهاء متفقين ع هذا الشي بل عقليا يجوز بدون البحث عن هذا الموضوع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
