صدگني هاي النصيحه اذا طبقته راح تشكر الله واحتماليه كبيرة حتى تبكي فرحا وحبا لله... شوف الانسان لازم يحتاج شحن طاقة حتى تخليه قريب لله مثل موبايل اذا ما بيه شحن يطفي نهائيا📱🥀🥀
كذلك أحنه اذا ماكو شحن أيمان راح ننتهي ونبقى مع الشيطان هاي الصلاة هي الشاحن صدگني بس أحنه لان نصليها بسرعه بسرعه ف ماكو تأثير والحرام نسويه بسهوله هسه مو أكثر الناس الصلاة عنده ك الجبل على صدره وهي مجرد دقائق وهذا الي هو هارب من الصلاة مستعد كل شي يسوي بس الصلاة حمل عليه🏔🌋🗻
ف راح انطيك تعليم عن الصلاة وراح تتفاجئ اذا استمريت وما خليت الشيطان يضحك عليك للعلم الشيطان حتى بصلاة ما يعوفك ويخليك تفكر بهموم الدنيا وتترك الخشوع المهم نبدأ بالنصيحه يا اخواني صدگني لاحگ على كلشي لاحگ ع موبايل وع السوالف وع التلفاز وع الطلعه وع الأكل وع كلشي🤚🙁☘
من هسه تاخذ كلامي ارجوك ترى وانت جاي تقرء الله جاي يشوفك ويريدك تنجح من مصيدة الشيطان والله يحبك والدليل سخر قلبي لك حتى انصحك وأكيد انصح نفسي أولا لان واحد ينصح واحد واني أكيد واحد نصحني المهم تروح للوضوء يا عمري براحتك اتوضئ بهدوء اذكر الله بالوضوء من قلبك من تكمل توكل على الله🌸🌼🌼
وصلي بهدوء وباطمئنان ترى الصلاة ببطئ ما تعبك جرب وشوف ولاحگ ع كلشي صدگني الصلاة معناها جاي تسولف مع الله هم خلي الك وقت السوالف مع الله لان هم بيه فايدة واغلب سوالف الناس بيه حرام ف يا أخواني خلي نصلي بهدوء ونشعر ان الله يشوفنه ويشوف قلبنه ونصلي بهدوء وشوف الطاقه الي راح تجيك🧚♂🕊☘
وراح الشيطان يتدمر بهذا الشي الي راح تسويه خلي سوالفك مع الله بهدوء وكأنك تتمنى ان السوالف مع الله تتأخر لان انت جاي تتكلم مع الرؤوف الودود اللطيف جرب وشوف دائما اي ذكر لله خليه من قلبك مو بس لقلقة لسان خلي نگول يا الله ونبدأ بصلاتنه بهاي الطريقه يلا يا الله 🤲
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
