مشاكل العوائل مستمره وجاي تزداد ومع الأسف وصلت حتى للقتل والطلاق والظلم شي أكيد العوائل المتدينه قليلة المشاكل اصلا نادرا تحدث مشاكل بالعائله المتدينه الكل يعرف شنو هي المشاكل🌀👿💔
يعني مثلا زوج محترم زوجتة وزين وياها اكو بعض الأمهات مع الأسف تغار من هذا الشي وتفكر عود الزوجة مسوي سحر والعياذ بالله ومنهاي تصير مشاكل وحتى اخوات الزوج يتعادن لزوجة الأخ💔😔💔
عجبا يعني الي يحترم زوجتة يبتلي وهنه نفسهن واكيد البعض الي متعاديات مع الزوجة لان زينه مع زوجها من تصير مناسبة حزينه مثلا استشهاد الامام علي ع) تروح للملايه لو تسوي مجلس☹️👇
لو تسوي ثواب لو تبجي تدرين هذا الامام جان يكنس البيت لزوجته فاطمة الزهراء ع) هذا حرام يا امهاتنه واخواتنه راح انطيكم نصيحة واذا طبقتوها راح تتغير حياتكم والمشاكل تخف بصورة واضحه☘🕊🕊
شوفي دائما خلي كلامك محبه ودائما كلمة /صاار/ گوليه لأي شخص بالبيت وشيلي الغيره وخلي بداله حب وابتسامه دائما واحذفي التعاجز نهائيا تدرين هذا اسلوبج عليه ثواب من الله🌸🕊🕊
يعني فوگ ما انتي مرتاحه راح يجيج ثواب هسه البعض يگول شلون مرتاحه. انتي من راح تبلشين بهاي المحبه راح المقابيلج ايضا يرد المحبه ألكم وهكذا وتخف المشاكل وقليلا طعمي نفسك بقرائة قرآن والصلاة بخشوع❤️🕊❤️
هي هاي الحياة مجرد وقت وحلم ويخلص انتي هاي عيشتج مؤقته اتحمليها لله وراج عيشه ابديه وهاي محبتج تضمن الج العيشه الأبديه بإذن الله تعالى وكلشي اتحمليه لله🌸😊😊
حتلو تسمعين كلمة جارحه تغافلي عنها وكأنك ما سامعتها اصلا ابتسمي لان الله يأخذ بثأرك ع اي شي يأذيك صدگيني ودائما لا تكرهي اي انسان وادعي له بالهدايه والمغفره 🕊🌸☘❤️🌼💚🌺
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
