( قال حظرت النبي صلى الله عليه واله: ) ((زوروا القبور فإنها تُذكر الاخرة ) )
احنه نعرف المسلم عنده ارتباطات منها اكو ارتباطات بالآخرة يرتبط بأشياء توصله للاخرة ، واكو أشياء لا سامح الله توصله بدنيا وملذات الدنيا ،، وهاي الارتباطات اله ثمرة لكن .. سؤال ؟ من الهدف من زيارة القبور احنه نريد نعرف شنو الهدف من زيارة القبور ...الانسان لما يعمل عمل لابد عنده هدف من هذا العمل يعني افرض مثلاً واحد يريد يجي يقرأ قران اله هدف القران دستور الاسلام ، يريد يتعرف هذا المسلم شلون يتحرك ،، شوكت ينطي الصدقة ، شوكت يمتنع عن إعطاء الصدقة .يجي لدستور الاسلام يتعرف على هاي الاشياء فهاي الارتباطات مثل ما كلنه ،، اكو واحد يرتبط بأشياء توصله للاخرة واكو ارتباطات لا .....
نجي للحديث النبوي بعد هل المقدمة
الحديث النبوي قال : زوروا القبور طبعا زيارة القبور هي مستحبه ...انسان عنده من احبائه مثلاً ابنه متوفى واحد اله عزيز من الاعزه ،،، هذا يذهب الانسان محبوب عند الله ،عند الشريعة ، أن المسلم يزور القبر ويوكف على هل التراب هذا يوكف على القبر ،، مواقف يستذكر اشياء اكو اشياء زينه يستذكره كله اشياء جيدة تبعث على السرور ،، وهذا راح يتزود من هذا الوقوف ....
نبي الله موسى* كاله ربي وين انه الكاك ؟؟ كاله يا موسى تلكاني بشيئيين كاله تلكاني في قلوب منكسرة ،،هذا صاحب القلب المنكسر تلكاني بيه اني
وتلكاني في قبور مندرسة...هذا الانسان اليدخل للمقبرة يفرغ قلبه بعد من حب الدنيا من ملذات الدنيا .... فهذا جمهور المسلمين يروي هذا الحديث النبوي ..انه الإنسان يزور القبر وعنده قبور مثلاً اولياء قبور انبياء قبور صالحين ذولة هم ينزارون ،، الانسان يروح يزورهم ،، لكن كون واحد من يروح يزور الامام يزور هذا الولي النبي كون يعرف شجاي يسوي !! مو انه اروح مثلاً اشدلي خيط اخضر بشباك واكعد اني اسولف مثلاً وي الي وياي وقد يصدر مثلاً مزاح او ضحك لا ميصير هذا !! الانسان يروح اولا : يعرف صاحب هذا القبر هل هو واجب الطاعة ، مو ازور بدون معرفة ،، يعني احنه نزور الامام ليش ؟ نزور الامام حتى يربطنه بأشياء
يربطنه الإيمان بالآخرة..شسوي رايح للامام والله هو خوش انسان يعني خير لا مو هذا المعنى ...ولا اني رايح احجيلي اشكم احجاية وانتهت ...الزيارة اله اشياء مفيدة اشياء مهمه ... الامام هذا نور فنور الامام اريده يعرضه على قلبي حتى قلبي يصير خاشع متصدع يذكر الآخرة شلون هذا..... زهير ابن القيم يكول خرجنا من مكة عندما خرج الحسين يوم الثامن يوم التروية مو خرج الحسين من مكة واهل بيته وياه يكول انه آموي اكره الحسين حتى اسايرهُ في الطريق ، يكول اذا مشه ركض الحسين كلت لجماعتي اكعدوا ما احب اماشي الحسين !! الى ان يكول وصلنه وركب الحسين توقف واحنه نمشي الى مكان فيه ولابد ان ننزل يكول نزلنه على صفحه احنه فرشنه سفرتنه مال غده ونريد نتغده مدينه ايدنه على الغده اجه رسول الحسين ،،سلم علينه وكال يا زهير ان الحسين يطلبك * يكول كأن فوق رؤوسنا الطير ،، شلون هذا المصلوب تلث ايام يجي لطير فوك رأسه...يكون نكره الحسين اني آموي،، هذا زهير إبن القيم يحجي ...لكن زوجته لنوار ، هاي ودت عليه ، زوجته ذكية كالتله زهير هذا الحسين ابن فاطمة بنت رسول الله انت ليش ما تروحله !!! ؟ ليش تخلي الحقد يأكل كلبك ويعمي بصيرتك روح للحسين شوفه شيريد ، يكول الراوي اقنعت زوجها ان يروح فعلاً ، ذهب عابس الوجه قنوط يكره ...واحد ويكره واحد ورايحله ميروح يضحك ...فدخل للحسين ، لحضات واذا به خرجَ مستبشراَ الوجه خرج زهير ، ذهب آموي وعاد حسيني رجع الى زوجتهِ علوي ؛ قال لها: اذهبي إلى اهلكِ انتي طالق ! كالتله ليش! كاله سوف اذهب مع الحسين ورحلت الحسين رحله صعبة ، روحي انتي اخذي غراضج وروحي ، فشنو السؤال ؟ ليش هذا هيج زهير اهنا هذا زهير من راح للحسين وكعد يم الحسين ، الحسين عرض نوره على قلب زهير جعله خاشع جعله متصدع *هكذا اخواتي احنه من نروح نزور الامام احنه نروح نزوره نكله نريد نورك يدخل في قلوبنه حتى يصير قلبنه خاشع متصدع وهكذا * اذن هذه فائدة زيارة قبر الامام او قبر النبي ، اذن عملية زيارة القبور عملية استثمارية الاسلام يريدنه نستثمر هاي الزيارة...
ثم قال الحديث : فإنها تذكر الآخرة يعني الحديث النبوي يكول زيارة القبور اله ارتباط بالآخرة، الإنسان يتذكر الآخرة ويتذكر الحساب ؛ ويتذكر اشياء أخرى احنه بالآخرة العلماء يكولون هواي اكو مواقف صعبة بس اصعب موقف هو موقف التسقيط ،، شني التسقيط احنه عدنه برواية قتل إمرء وقتل مروءة ، قتل إمرء واحد يجي يقتل واحد واهله يدفنوه وتنتهي سالفته تنتهي لحجاية بينما قتل مروءة لا يجي واحد يسقطله مؤمنة افرض مؤمنة بالمجتمع يسطقة او يسقطله مؤمن هذا كلما يسمع لحجاية المؤمن أو المؤمنة يموت موته ...فهاي اصعب عقبة بلاخرة العلماء يكولون التسقيط
يكول احذروا ان تسقطون مؤمن ليش لان هذا التسقيط بيه ضرر على الإنسان..والله انه كاعد ابيتي وجتني حجاية ليش انه اخذ بهاي الحجاية واكول هاي مو خوش إنسانه مثلا ..لا شلي علاقة الله يدري بالناس ومطلع على ضمير لناس ،، فهاي الآخرة تريد من عدنه اشياء تذكرنه مثلا مجلس الحسين هذا بيه موعظة يذكرنه بالله يذكرنه بالآخرة
انتهي الحمد لله كما يحب الله ان يحمد وكما هو اهله وكما ينبغي لكرم وجه وعز جلاله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
