يگولون "بالشكر تدوم النعم " ؟! اوك.. انطيني السبحه ؟!! شتسوي بيها ؟ اريد اسوي عشرتالاف شكرا.. شكرا - حلوو ، من لم يشكر المخلوق لم يشكر الخالق.. وبس هيج!! وبعدين شتسوي ؟! - سشوي هاهيه غير.. !!!!!!! عزيزتي ، الشكر اللفظي بس ، شي طيب ويذكرنا انه عدنا نعم لازم نذكرها ونردد الشكر عليها ، لكن هذا وحده ميكفي مفهوم الشكر!! ميكفي ؟!!
وجود أمك بحياتك نعمة ، برك لأمك وتحصيل رضاها عليك بكل ساعه وكل يوم هوه هذا معنى الشكر على النعمة
وجود ابوك بحياتك نعمة ، استغل هذا الوجود برضاه عليك وسوي كل اللي تكدر عليه حتى تكون سند اله ومعين ومصدر فخر اله بهالحياة ، وبهيج حاله اديت شكر هالنعمة..
صحتك زينه ، تنام وتكعد وتاكل وتمشي وتشوف وتسمع وانت مرتاح ، نعمه رتب اكلك واهتم بي وخلي صحي ومريح ، مارس الرياضه ولو حركات بسيطة ، وأشكر هالنعمة العظيمة
عندك زوجة بارة ، وصالحه ، وهيه مصدر سند وراحه الك نعمة ، بالمقابل تدوم هذه النعمه من تأدي واجب شكرها من تصونها وترضيها وتحافظ عليها ..
والامر نفسه الج عزيزتي زوجك الصالح المحسن نعمة لازم تحافظين عليها وتقابلين احسانه الج بالأحسان
عندكم اولاد.. نعمة ممكن يفتقدها غيركم ، نربيهم احسن تربيه ، ونخليهم مشروع حياة وصناعة انسان ، نتعب عليهم وننطيهم من وقتنا وطاقتنه وعمرنا ، نبذل جهدنا وبالتالي نشكر هذه النعمة..
عندك اخوان ، اخوات ، جيد.. همه سندك بهالحياة راضيهم ولا تخلي زعل حتلو زغيروني يبعد بينكم ، اهتم بيهم ، وواصلهم حتلو ما حصلت نفس المردود اللي تقدمه سوي االلي عليك واشكر نعمة وجودهم..
عندك وعندك وعندك ما شااء الله من النعم ، كل وحدة تعرفها لازم تعرف الطريقه المناسبة لشكرها حتى تدوم الك بأحسن وجه..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
