طبعا نعرف زين أن الصلاة أمر عبادي مو فقط عل المسلم لابل كل الاديان ؛ على لسان النبي عيسى عليه السلام واوصاني بالصلاة والزكاة ما دمت حياً هسه شنو هاي الصلاة بحثٍ آخر طيب ليش الصلاة لأن أحنه كلنه تزكية هل النفس تمنع الانسان من ارتكاب المحرمات فالاسلام اعطى للصلاة خاصية للصلاة عامود الدين و موضعه من الدين كموضع الرأس من الجسد ليش لأن هي أفضل الأعمال ..
✨✨✨✨✨✨✨✨✨✨ وهي أول ما يحاسب المرء عليه ، فهاي صلاتي كون تمنعني تحصني من ارتكاب المحرمات ،،كون تخليني ما أكذب عل الناس ،او احتال عليهم _مو انت شايف اكو يصلي و يسرق يصلي ويشرب خمر "ويأكل الربى
✨✨✨✨✨✨✨✨✨✨✨ فمثل هاي الصلاة اذا ما نهتني عن الفحشاء والمنكر _ حتماً هل الصلاة بيه خلل بيه نقص لأن مو كادرة تعالجلي هاي الأمراض الروحيه ..و احنه سبق وكلنه مثل ما الجسد يمرض ،الروح كذلك إذن هاي الصلاة احتمال تكون ما مقبولة
يقال في الحديث
ان قبلت قبل ما سواها وان ردت رد ما سواها طيب؛ لكل شيء حق وحق الصلاة تأديته في وقته لان هي مواعيد واتصال مع الرب جل وعلا...فلازم تصلى بصورة صحيحة يعني تضبط قراءة الايات يعني تعرف شنو جاي تكول ...فالبعض يصلي ركض ما يعرف اشوكت دخل واشوكت خلص ،الحقيقة اكو بعض الذنوب تموت الرغبة حته بالصلاة ✨✨✨✨✨✨✨✨✨✨
كلنه هو يصلي بس مو عارف شنو يكول يريد بس يخلصه (عن رسول الله صلى الله عليه واله وسلم ) لكل شي وجه ووجه دينكم الصلاة فلا يشين احدكم وجه دينه ولكل شي انف وانف الصلاة التكبير ..
✨✨✨✨✨✨✨✨✨✨
فكون المسلم يستعد قبل الأذان يتهيئ *"يكول يستحب للمصلي أن يتعطر وينتظر وقت الأذان هاي كله شنو كله استعداد لمقابلة الحق جل وعلا..هسه اذا عدك مقابلة افرض مع وزير مسوؤل مو قبل وقت تحضر نفسك ترتب وضعك تلبس أفضل ثيابك يعني حته تطلع بمظهر مناسب لائق ..طيب اذا كانت المقابلة مع الله عزوجل شلون لازم تكون .. فهاي النعمة الي اعطاها الله للإنسان يعني لياقة الحديث مع رب العالمين كون الإنسان يفهم معنى العبادة الشريعة لما وَجبَت الصلاة تريد إطهر روح
✨✨✨✨✨✨✨✨✨✨ المسلم مثل ما إطهر بدنه ،،كون المسلم يفهم هل معنى فهاي الفضيلة فضيلة هذا الموعد خمس مرات لقاء باليوم شنو
✨✨✨✨✨✨✨✨✨✨ عن أبي عبد الله صلوات الله عليه يقول: للمصلي ثلاث خصال اذا قام في صلاته يتناثر عليه البر من أعنان السماء الى مفرق رأسه وتحف به الملائكة من قدميه الى عنان السماء وملك ينادي أيها المصلي لو تعلم من تناجي ما انفلت ،ولهذا يكول اذا عندك حاجة ارفعوا أيديكم في أوقات صلاتكم فإنها أفضل الساعات لأن الله ينظر بعين الرحمة الى عباده ويجيبهم اذا ناجوه
✨✨✨✨✨✨✨✨✨✨ الحقيقة اكو أشياء لابد من إعادة النظر بيه ..مثل شنو يعني اكو بعض الموالين يروح للزيارة مشياً عل الأقدام وتعبان لكن الصلاة يأخره عن وقته وكأنه الصلاة مو من أولياته، لو صائم في شهر رمضان ويطبق الظهر والمغرب ...فالآية تكول (ويل للذين هم عن صلاتهم ساهون
يذكر إبن عباس يكول امير المؤمنين عليه السلام في ساحة المعركة في صفين ويباوع عله الشمس هذا تعجب كاله شنو هل الفعل كاله الإمام أنظر الى الزوال حته نصلي رد عليه إبن عباس ، كاله هسه مو وكته احنه عدنه شغل جاي نحارب !هنا الإمام كاله عله شنو نقاتلهم !! إنما نقاتلهم على الصلاة
✨✨✨✨✨✨✨✨✨✨ إذن كون مثل ما نهتم المشي على الإقدام للامام الحسين صلوات الله عليه نلتفت الى الصلاة ،،و مثل ما أهتم بلطبخ الثواب واصرف الاموال،الأموال ل سيد الشهداء وعند اعتقاد بأنه هل ثواب اتقرب بيه لله عزوجل ،كون أهتم بمناجاة الله تعالى ليلاً {وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَى أَن يَبْعَثَكَ رَبُّكَ مَقَامًا مَّحْمُودًا} هاي صلاة الليل ،الله عزوجل يكول أصحابه أصحاب مقام محمود . ليش تتجافى جنوبهم عن المضاجع .. طبعا هاي يرادله استعادات ، هاي يُذكر يكول فد يوم إجه الشيطان الى أحد الصالحين، كاله أجي لكل شخص بهيئة واحتال عليه ..ف سأله هذا العبد الصالح كال وإني اشلون تجيني ؟ كاله اجيك بالعشاء وانت تأكل ارغبك بالطعام حته تمتلئ معدتك وتثقل ما تكدر تستيقظ ل الصلاة اليل
✨✨✨✨✨✨✨✨✨✨ فكون المؤمن يرتب وضعه ينام أول الليل..اذا نمت بأول الليل انت طبيعي تكعد تناجي الله تعالى تكلمه .. ليلة وحدة جرب وذوق حلاوة المناجاة مع الله تعالى شوف اكو بالدنيا حلاوة أكثر من هذي الحلاوة - يقول تعالى ما تحبَّب إلي عبدي بشيء، أحب إلي مما افترضته عليه، وإنَّه يتحبب إلي بالنوافل حتى أحبه، هاي
✨✨✨✨✨✨✨✨✨✨ المناجاة تثبت النور في القلب "الناس الي ما عدهم هذا النور 'ما يعرفون هل معنى "جرب ليلة وحدة
✨✨✨✨✨✨✨✨✨✨ 👈وشوف شلون الانسان أحواله أموره كله تتغير ،قلبه يطمئن يرتاح ،فاذا قام العبد وقال يارب في ذلك الليل المظلم ناداه الجليل لبيك عبدي سلني اعطيك وتوكل عليه اكفيك .ثم يقول الله جل جلاله
تابعوا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
