Nakikipagbunuan ka ng lakas, bilis, at abilidad sa bawat wasiwas mo ng iyong sibat sa isang dating malapit na kaibigan na ngayo'y mahigpit ng kaaway. Hindi na maatim ng iyong konsensya ang masamang pamamalakad ng pamahalaang dati mong tinitingala. Tumiwalag ka't nilabanan ang mga dating kakampi para bigyang hustisya ang walang habas na pagpapahirap.
Sa huling kapangyarihang iniaalay mo sa iyong sandata'y nagkulay ginto ito't nabasbasan ng isang anghel. Ngunit hindi naging madali ang huling sagupaan na matinding ikinapinsala mo't ikinasawi ng marami sa iyong kasamahan. Palakad ka ngayon sa iyong lugar kung saan ang lahat ay napapaligiran ng ulap.
