Naglalakad sa dalampasigan si Julie para makapagmuni-muni. Sa kanyang pagtigil ay napatitig siya sa papalubog na haring araw.
Ipinikit niya ang kanyang mata upang damhin ang lamig ng simoy ng hangin, sa kanyang pagmulat ay naaninagan niya ang isang pamilyar na mukha.
Napatakbo siya sa kinaroroonan nito upang kumpirmahin ang hinala. Palayo nang palayo ito hanggang makaramdam ang dalaga ng paglalim ng tubig.
Napasigaw siya sa pangambang may humihila sa kanya pailalim hanggang sa tuluyan siyang higupin ng tubig at nawalan ng malay.
Sa kanyang pag-gising ay karga na siya ng isang lalaki habang nakalutang sila sa tubig.
