هدية في حي الرجال

57

مراحب حبيبات قلبي❤🙂

كل شي يمكن ان تتحكم به
الاذلك الصغير الاحمق
العنيد الشقي المتمرد
الذي يسكن في صدورنه

#هديه_في_حي_الرجال
#بقلمي_زينب_العبيدي_(الزينبيه )
#البارت57

وفجأه دك التليفون كل ضني المتصل جنى
عفت البيدي ورحت للصاله  كمشت التليفون وعكدت حواجبي وشنفت شفايفي

-منو هذا الرقم ويتصل بيه بهيج وقت
رجعت التليفون مكانه
اكيد واحد ماعنده سالفه يدوغ سوالف تعاعغف(تعارف )

رجعت ع المطبخ بس التليفون ما سكت وصل ٤ مكالمات

-عجيب منو هذا اكيد واحد يعغفني ديتصل هلكد عزه اخاف جنى من غيغ غقم(غير رقم) دتصل معقوله صايغ الها شي

ركضت للتليفون وقبل ماينكطع رديت

-الوو

واجاني الصوت الي رعبني وخله جسمي يرجف كله الصوت الي مستحيل انساه الصوت الي جان اغلب كوابيسي منه
معقوله هذا هو ش شنو يريد مني

-الوو الووو بيلسان الووو ردي عليج بروح ابوج رديي

حجيت حتى اقطع الشك بااليقين وحتى يزداد خوفي وترجع كوابيسي

-منو بلكوه طلعت

-انا بكر بس بروح ابو....

ماكمل جملته بسرعه سديت التليفون وايدي ترجف واعصر باالتليفون وفاتحه عيوني ع كبرهن

-ب ب بكغ بكغ بكغ
وبجيت بسرعه
ياغب شنو يغيد مني وشسوي اني هسه الوحدي

وبسرعه فتحت عيوني ع كبرهن
عزززه شلون اذا اجاني واني وحدي شسوييي

ومن لا شعور لكيت نفسي اتصل ع هزاع وبدون تردد كأنما هو الامان الوحيد هو الحل الاول لمشاكلي كأنما هو الطمأنينه الي والمنقذ وحدها ايدي تحركت للتليفون واصبعي ضغط ع رقمه وحده عقلي فكر بي وقلبي أمن ع طاريه

رن رنه كامله ومجاوب عزززه عفيه ليش متغ...

وقبل ما اكمل كلمتي رن تليفوني واسمه وسط الشاشه وابتسمت بخوف ورعب جانت شوفت اسمه بشاشه تليفوني الوحده امان

حجه بسرعه وصوته بي نوم  وخوف بنفس الوكت

-الوو ها شنهي شصاير

-ب ب بكغ بكغ

-ششنهي وينه بكر  شنهي  شطاريه

-بكغ اتصل علي واني خايفه خاف ليدخل البيت شسوي عفيه

-ششنهي اتصل بيج يمته هل حجي

-من شوي اصلا هسه هم ديتصل باالانتظاغ عفيه ابو عذب اني خايفه
 
-لاتخافين وسمعيني يبنت الناس الباب قفلي وباب الحدر الدرج هم قفلي وانه ثواني ويمج بعلي لحلل جتله اليوم اذا صدك داس اعتاب السلف واجاج وداس جلمتي