هدية في حي الرجال

البارت٦

سلام حبات قلبي🙋‍♀️

طبعا اني مكلت ب١١ كلت فوك ١١ ليش اكلتوني اكل باالتعليقات🥴

ع العموم ٤٦٠٠ كلمه قراءه ممتعه☺️

#هديه_في_حي_الرجال
#بقلمي زينب العبيدي (الزينبيه سابقاً)
#بارت٦

ارجعت اتصلت اكثر من مره لحد ما حسيت دموعي غركت خدودي ليشش ليشش هيج شسويتلكم وماتغدوني معقوله اهوون عليكم اوووف شحجي اذا هم اخواني ميغدوني وخالي ميغيدني اعتب على هذول الناس الاغغاب (الاغراب)

دخلت علي عليا و وجها محتقن يظهر المناوشات الكلاميه واصله حدها
و وراها

دره تحجي ماتستحي والله ما اسكت الها بسيطه خل يجي بو عذاب

عليا .شنهي خيه بيلسان اشوو جنطه وهدوم وين رايده

مسحت دموعي واني احاول الكه جواب السؤالها وين اكوللها شحجي محد يريدني واني بمحافظه غريبه

رفعت وجهي وكلتلها اني غايحه

عليا .وين رايحه شنهي غير اكلب البيت على راس احلام اتطلعين من البيت عود.. شوفي يحبيبه خليلج شخصيه ولاترضين باالذل شنهي هاي تتهمج وانتي تستسلمين الها انه يجي ابوي واخوي واحجيلهم وانتي هم تحجيلهم غصبا عنج

دره .حبيبه بيلسان هاي وحده حقيره ومامش ادب بيها واذا طلعتي من البيت اول شي راح تكوين عودها وثاني شي راح اتصير مصيبه وكولبه باالبيت من حيث ابوي راح يكلب الدنيه مو بس على راس احلام لا علينه كلنه انتي تعرفين ابوي شموصي موصينه احنه الخطار وانتي ام البيت

بيلسان . والغب اعغف وانتم والنعم منكم ومابيكم اي قصوغ بس هي كلامها صح اني غغيبه(غريبه) عنكم واذا على الزواج ما ببالي اتزوج هسه ومااكدغ اكعد عدكم بصفتي شنو اكعد ابيتكم

عليا .واذا ماتزوجتي خير يعني جانعتبرج غريبه لا خيه لا   انتي صرتي اخيتنه واحنه ناس نعرف باالاصول مامش واحد يطيح منه ونتفرج عليه  لو نكومه لو نطيح كلنه ويا وانتي اخيتنه فر بيج الزمن وطيحج شنهي يعني اذا ماتزوجتي واحد من خواني مانريدج بعد ههههه اكول شو جيبي جيبي

وسحبت الجنطه وضلت اتسفط باالملابس وترجعن باالكنتور و تحجي

سمعي يحبيبه مسحي دموعج من صدقه لهل خدود الحمر وحكج ياخذه ابو عذاب امربع بس خلي يشم ريحه باالي حجته احلام عنه وعنج بعدج ماعرفتي سبع السلف منهو

استسلمت وكعدت اصلا وين اريد اروح وماالي احد حتى بيت مثل الناس ماعدنه كضينه حياتنه باالايجار اااخ بابا شوف شصار بحالتي اكيد دتشوف شسوي هسه والحل امشي بوصيتك واتزوج زين وهل و وحوش الي اهنا الي مارحموا غربتي و وحدتي واني ماصارلي بس ايام يمهم

رفعت عيوني وباوعتلها ودموعي تريد تنزل شلال بس لا اني ما احب احد يشوف ضعفي ويشوف دموعي