هدية في حي الرجال

البارت ١٩

مراحب حبايب 🙋‍♀️

طبعا اكو ميدري باالسالفه رغم اني نشرت ع المنصه وبكتابي الخاص عن سبب تاخري عليكم هيج ان جانت كل قصصي ممسوحه من صفحتي وهذا بسبب تحديثات الوات وصارت عند هوايه مو بس اني  الحمدلله رجعن اليوم قصصي

٣٧٩٠ كلمه قراءه ممتعه

#هدية_في_حي_الرجال
#بقلمي_زينب_العبيدي(الزينبيه)
#بارت١٩

طلعت من الغرفه واني اضحك

وشفت احلام نفس وكفتها اتاني الاخبار

-اكولج عمغي يكول هزاع بعد لتغسل ملابسي مو كل مغه تخغبهن وكال انتي غسليهم

-ابو عذاب مايكول هيج اصلا يريد ملابسه بس مني خلي جذبج اعليج

-تمام اسأليه

عفته ونزلت

دخلت يم البنات ورجعنه انسولف على حياة سارة وي زوجها وعيالها وتعذيب زوجها وعمتها تعايرها لحد هسه ما حبلت وتهدد تزوجه والضيم العايشته

كلتلها عجيب ساغه اذا هو انسان معاق شلون يكدغ يضغبج هيج

-حبيبتي هو ضخم كلش وجثل وطويل يعني كاعد على العربانه وما اكدرله ومن يريد يضربني مااعرف بي متعصب بغدرني حتى لا اشرد ويكمشن وبعد ما اكدر افك نفسي من يمه

دره خايبه الله يعينج والله الفصليه موش مثلج

-زين اخوانج عجيب شلون انطوج الانسان معاق ومطلق مرتين وانتي ولامتزوجه ولا شي

-ما اعرف هو خطبني واني رفضت بس منو يسمعلي اصلا لبست بدلة العرس ودموعي سطرين على خدي اسبوع كامل ابجي لا اكل ولا اشرب وكتله اني باالعذر الشرعي حتى ميتقربلي  وبعدين كام ضربني ضرب موتت ورى اسبوع كلي انتي تحبين لذالك جاي تبجين

بديت ايس من الخلاص سلمت الامر لله وكلت عسى الله كاتبلي السعاده وياه بس ابد مكدرت احبه ولا اهضمه تلعب نفسي بكل مره يتقربلي واضل ابجي ورى شهر بدا يكومني بنعال تكرمون ويكعدني برزاله جنت اتنفس من اروح لشغلي ومن ارجع ياخذ من عندي كل الفلوس كلت لخواني كالوا زوجج عادي يجوز محتاج حجيتلهم ع الضرب كعدوا وياه وحجوا وكال الهم هي اللسانها زفر وطويل وتصيح اصياح وشهد امه وخواته وهن  شهد زور علي

ضليت بين فتره والثانيه اروح زعلانه لخواني ماعندي لام ولا اب بس هما هذول العشره ٧ اولا ابوي الله يرحمه من غير مره و ٣ اخواني اللح بس ماكو فرق بينهم كلهم نفس الطينه شوي جان اخوي الاضغر من عندي يدافعلي بس محد يسمع منه 
اجيلهم زعلانه يرجعوني يوم ثاني باايدهم اله ويكلولي زوجج وابو بيتج

لحد ما خلص صبري وبزعت روحي ما اجه ابالي غير احمد ااه يا احمد الانسان الخلوق الي عمره مارفع عينه بعيني بعد جنه نشتغل بنفس الصيدليه بس هو ولد ويانه واحنه ثنين بنات عمرنه ماسمعنه منه كلام ولا باوع النه بنظره موزينه ونعم من تربيته