هدية في حي الرجال

بارت ٣٨

مراحب حبايب قلبي🤗🙋‍♀️

حبايب اغلبكم يكولون ختميها قبل رمضان لان برمضان منلحك نقره وشهر عباده ومنفرغ

واني ما اتصور الحداث تخلص قبل رمضان لان بعد القصه بيها احداث

لذالك اني ما اكدر اختصر الاحداث لان شي مرتبط بشي

بس اذا تحبون اسويها الكم جزئين اكمل هسه قسم وبعد رمضان جزء الثاني
واني اشوف هذا احسن حل الكم والي ❤

٣٢٠٠كلمه قراءه ممتعه🙃

#هديه_في_حي_الرجال
#بقلمي_زينب_العبيدي(زينبيه)
#بارت٣٨

بس قبل مترجع تدخل عليا على غرفه الدكتوره رجع اتصل عليها هزاع

-ها خويه

-اكلج بعد خياج دعوفوها هسه لاتسوي العمليه

-بس خويه السموحه منك البنيه ماراح تصير مره اله الدكتدوره تدخل بهذا الشي
لو باالولاده

-اي ميخالف عوفوفها هسه غير مره

-مثل ماتريد ياحيلي والنبي فرحتلها جن بنيتي وانت يبو عذيب رايتك بيضه ومايلوكلك المعيوب

-مشكوره ام كرار بعد خيج الحمدلله جازاها هي يتيمه ماخلاها تحس باالنقص

سد التليفون واجتي عليا لغرفه الدكتوره جنت كاعده انتظر والدكتوره تحجي وي المريضه اليمها اني ممصدكه الي سمعته

حمدت الرب بسري وشكرته هواي احس نص كسر كلبي انجبر هسه اقلها اكدر ابتسم من صدك مو جذب  واني مرتاحه

كعدت عليا يمي وكالت زلمتج يكول لاتسوي العمليه هسه اجلوها وضحكت

-اي احسن لان شوي خفت

حاجت الدكتوره عليا كلتلها دكتوره تكول خايفه خل يطيب جرحي تالي انسوي العمليه

الدكتوره ترى متحس بيها صدكيني كلش بسيطه وحتى متاثر على جرحج

عليا ميخالف يدكتوره خليها غير مره من اتطيب

-زين مثل متحب راح اكتب الها علاج تصرفو من الصيدليه واهم شي ميتقربلها هسه كلش لان جرحها بليغ اقل شي ١٠ ايام واكثر شي اسبوعين مع هاي العلاجات يلتئم الجرح

-صار دكتوره خذت الورقه عليا وطلعنه صرفنه العلاج رجعتلها انطتني شلون الاستعمال ومواعيد العلاج

وطلعنه
.......

من سدت التليفون مني عليا وانه احس خمد شويه من نار صدري

صدك بعده موجر من خيانت اصويحبي

وصك بعده موجر من جذبتها الي ضمتها اعلي وسببت النه كل مشاكلنه واستغفلتني ومثل هيج سالفه ماتنضم وجن شي ماجان

بس فرحتلها يتيمه والله ماكسر بيها الحمدلله رب الرحمه احن من الوالده على ولدها

شلت التليفون احاجي واحد من زلامي الي خليته يراقب بكر وين ماوين لان ناري مابردت وحسباله اخلي يعيش ويرتاح اعلى طعناته بكفاي وهتك عرضي