هدية في حي الرجال

بارت ٢٣

مراحب حبيات قلبي

اكلكم كلكم ضليتو تغوغون لو بس اني
والله احجي وي بناتي وزوجي كله بغغغغ

٣٥٥٠ كلمه قراءه ممتعه

#هديه_في حي الرجال
#بقلمي_زينب_العبيدي(الزينبيه)
#البارت٢٣

ابو جعفر والي راح ينهي خلافكم ويرجع دمكم ويلحم العايلتين الرايه العكدتوها كبل عشر سنين لوليدنه عناد وبنيتنه دره

-لا عمي ترخصنني مامستعد الهل شي بعد وكت اعلي

-ابو جعفر شنهي الما مستعدله بويه هاا اختك انعكدت اعليها رايه العباس هي وعناد وهل شي راح يربطكم اكثر من كبل ويصافي لكلوب ولاتنسه انت بيوم من الايام هم خذيت اخته يبو عذاب

وله شتكول يا خويه يابو هزاع

التفت الشيخ علي واحسه محتار مثلي بين الرفض و وهواس الشك وبين  ان بعض الضن اثم

كال انطونه مهله اجلو هاي البعدين خل يتم الصلح هسه بدون هل شي

ابو جعفر خويه اول شي بهذا حجيكم جنكم بعدكم مامتراضين وتردون تفكونه ابوسة راس ومن ورى خشومكم
لجن لو قرينه فاتحتهم هسه راح يتغير كلشي ويصير الصلح من كلب ولسان

انه انعكد اللساني وثكل فجي عن الكلام ودايره حرب داخلي خوف ورضا وشك وقلق واثم الضن ضليت ساكت لان انه اصلا ما كادر  اعرفلي راي شلون جا راح انطي رايي

حجه الشيخ نقراها مبدئياً اعلى ما نشوف دره شرايها ونتفق ابينه

شيخ سلمان اعلى بركت الله الفاتحه

قرينه الفاتحه وانه عيني بعين اعناد عسى ولعلى اطيح اعلى طوره من عيونه

وجابو الرايه لبوي فتحه

كام عناد باس راس عمه السموحه عمي وباسه هو هم
وكمتله انه باسني وباس راسي السموحه بو عذاب

ونفس الشي انه سويت رحت بست راس عمي السموحه عمي
وعمي كام باس راس ابوي

وكعدنه تعشينه بس انه تفكيري كله موش وياي ساعه اكل الروحي انت تحمل الامور اكثر من حجمها
وساعه اكول شلون لو طلع واحد دوني وماصان دريتي

والله لولا رايه ابو فاضل الي من شوي حلوها مجان انطي مره بس الي يكتلك عكدنه هل رايه كبل عشر اسنين يوم جان اعناد صدك اعناد موش مثل هسه

لابو عذاب ليش تضلم حظك وبختك جايز صدك موش هو ولا مره لزمتوا عليه لزمه ويجوز بحكم العداوه هو يناكز اعلى السيطرات مايريد غريمه يفرض سيطراته عليه

وكضيت الكعده كلها بين حانه ومانه وفكري تايه

شربنه الجاي وتوكلنه انه وابوي وخواني

باالسياره  كتله ها بويه شرايك

-والله يابويه محتار وما ادري هسه هو صح و موش صح الي صار