هدية في حي الرجال

البارت ٢٠

مساااائكم نوتيلا🥰

حبايب هذا بارت مو طويل ولا قصير❤ متوسط حتى ارضي كل الطرفين الي❤ يردون طويل والي يردون قصير اجيتلكم من النص وراح نستمر ع هل منوال❤

٢٩٨٥كلمه قراءه ممتعه

#هديه_في_حي_الرجال
#بقلم_زينب_العبيدي(الزينبيه)
#بارت٢٠

حسيت انسحبت من ايدي و انحطه ايد على حلكي

صاحت عذراء بخوف بويه وينك

حجه  وعرفته هو الي سحبني لان صوته قريب مني كلش

هاي انه بويه لاتخافن بس خل ارجع السلاح ونطلع

عذراء بويه شغل ضوه تليفونك

-ناسيه باالسياره

قرب حلكه على ذاني كلش  وهمس لاتطلعين صوت

رفع وجهي باايده وانفاسه تلفح وجهي
وفاجئني اخذ شفايفي بين اشفايفه بنهم

باسني   واني متت بدمي احس رجلي بعد متشيلني وكلبي يدك سريع حسيت انكطعت انفاسي مشال حلكه مني ابد

اختنكت كمشت دشداشته من يم صدره وشديتها حيل لان ما اكدر اطلع صوت وهو ميشوفني مختنكه لان ظلمه

فهم علي وتبعد

وي ما اتبعد حجت عذراء بابا ماخلصت خلي وين مجان وخل نطلع اخاف

تحمحم هو وكال هابويه اي خلصت يله  وطلع

واني بعدني تحت تاثير البوسه رجلي  مايعينني باالكوه امشي اسحل بنفسي حطيت ايدي ع كلبي اهدي دكاته شوي

مشيت وراهم هو شايل بنته الصغيره وعذراء وراه واني باالاخير

صعدت يمه وعذراء وره وحواء هم

التفتت ع الجامه تلمست شفايفي وكلبي رجع يدك حيل واني اتذكره غمضت اعيوني وابتسمت وكلت بداخلي اويليي لك هزيع شنو عسل انت دبس ليش هلكد بوستك حلوه

وصلنه للبيت وهم جانت ظلمه

حجه هزاع وهو يطفي السياره شنهي ليش ما مشغلين المولد

نزل ونزلنه وراها اشوفه كلش طبيعي زين ليش هو هيج عنده عادي ولا كأن مسوي شي واني رجلي مديشيلني

دخلنه جانو كلهم فارشين وديتعشون باااحديقه واضويه  النقالات والفوانيس بس

هزاع بويه ارغد جاليش مامشغلين المولد

-عطلانه

-هم عطلانه شنهي المزرعه هم مولدتها عطلانه
دره بويه صبيلي عشه خل احاول بيها بلجن تشتغل

احلام تعال لي جاي بو عذاب هذا مكان وجرت حواء كعدتها يمها تعشيها

دره لالا  هسه اجيب عشاه وكامت وهي تكله
اي خويه من عيني ثانيتين  جابت صينيه مجهزتها وحطتها ع صفحه بعيد عنهم هاي انت ومريتك