هدية في حي الرجال

بارت ٢٦

موفاجئه للسهرانين ❤🥰

شلوووني❤

٢٥٧٨ كلمه قراءه ممتعه

#هديه_في_حي_الرجال
#بقلمي_زينب_العبيدي(الزينبيه)
#بارت٢٦

اجمل النظرات هي تلك النظرات العاشقه التي تلتقي بعد طول فراق نظرات تصعب تفسيرها على كم المشاعر التي تحمله بين اجفانها وكم الحب بين امتداد مسافاتها

وتلاكت العيون جان الكل ملتهين ابو عناد يسلم على الحجيه وعليا هم تسلم على عمها

بس دره الي باكت نظره نظره وحده لعناد الحب حياتها وامنيتها وبهل نظره هو هم جان يباوع عليها بنظرات عميقه يتفحص كل وجها كانما يشوف دره نفسها الي تركها من خمس سنوات لو مو هيه ..

ابو عناد ماتسلم بويه اعلى عمتك

عناد شلونج عمه اخبارج وباس الحجيه على راسه

الحجيه هله يمه مبارك وليظي عساكم مهنايين

عناد الله يبارك بيج عمه شلونج خويه عليا

عليا هلا خويه حياك الله باالمبارك

ابو عناد باس دره على راسها وهو يكللها بويه دريه شني هل جمال وجن الله ماخالقج من طين

باست هي راسه وحجت بخجل مشكور عمي

عناد شلونج يدره

دنكت هي وحجت باالكوه الحمدلله

الشيخ اكعد بويه ودار على السيد اتفضل سيدنه

السيد زاد فضلك يشيخ

بويه دره كولي انت وكيلي........الخ تم العقد وكال السيد مبارك عليكم عساها زواجت والخير

وضلوا يباركون لعناد وعليا شبكت دره وهي عيونها مغوركه وهمستلها والله وتزوجتي يابعد اختج وباست راسها

دره الي كلبها ماخذه هذاك الواكف يسلم ع السيد وع الشيخ وابوه تحس اللحظات بسرعه خلصت وياه بس تسوه الدنيه كلها هل لحظات

باوعلها هو وجنه يتمعن بيها زين
والتفت على الشيخ عمي باجر نجي انه وامي وخواتي ونلبسها الحلقه ونسلمها النيشان والسبوع الجاي مثل هيج يوم الزواج

الشيخ موش مستعجل جنك يعناد

ابو عناد وليش انتاني كافي تانينه عشر اسنين و وليدي ماعنده شي كاضي كلشي ويكدر باجر يعرس

دره الي اتلخبطت احوالها من سمعت هيج معقوله هيج كلهن مره وحده خطوبه وسبوع واحد على الزواج واسبوع وتصير ابيته ويمه وينتهي الشوك والحب وشلعان الكلب بهذيج الساعه جانت دره اسعد انسانه باالكون

الشيخ الله كريم ياخويه خل انشوف هي شتكول هم

طلعوا كلهم