هدية في حي الرجال

بارت ٧

مراحب حبايب🙋‍♀️

اكلكم اكو خبر يكولون ليغلس على السحك  اله قطعه ارض وراتب ☻🌚

حسبالكم جذب 🤨كيفكم لاتصدكون😒 عود اريد افيدكم😑

٣٢٢٢ كلمه قراءه ممتعه

#هديه_في_حي_الرجال
#بقلمي_زينب_العبيدي (الزينبيه سابقاً)
#بارت٧

واسمع الصياح كايم ماكاعد وصوت ابو عذب يصيح

شهل صوت والغب يخغع خفت باالبدايه

جنت متردده ادخل باالاول بس صار عندي فضول اعرف عليمن يصيح  واني دا اسمعه يصيح بعلو صوته اكص اللسانج  واكسر اعظامج وعلي الفحل ولج بهيمه يمته طلعلج اللسان وصيحين على عمتج   وضل يغلط ويرزل

دخلت شفته واكف ويصيح وجهه صاير ازرك على احمر من الصياح  وشرايينه كله امبينه وعكاله بيده والحجيه و احلام صايرات ابينه وبين عذراء  الي جانت دا تبجي واثار الراشدي على وجهه مرسوم رسم وهو يهد وينثني وبالكوه كامشاته والبقيه كلهم يتفرجون يخافون يحجون 

واني من فهاوتي دخلت وابتسمت بوسط الهوسه وكلت

مغحبا

كلها التفتت علي  باوعت ابوجه هزاع  وبلعت ريقي عيونه صايرات بكصته وبسرعه دار وجهه يمكن حتى ما انتبه منو اني  البقيه محد قلدني بس الحجيه حجت بالكوه وهي تعبانه

هلا بيج يمه بنيتي دشي يمه ورجعت التفتت على ابنها

الحجيه يمه  ما ارضا عليك لون ما رحت هسه وتركته  ابنيتك والله ما ارضا عليك

ودره تكله  ياخوي ماصار شي تحجي وهي ترجف عذره اخيتي وبنت اخوي اتمون ياخويه وعلي تمون لاتحرك دمك

هزاع حجه وهو يلوح بالعكال اكبال عذراء  اعذيره وحك علي الفحل لون سمعتج مره ثانيه عله صوووتج على عماتج لو على واحد بالبيت وعلي ادفنج وانتي حيه البهيمه ماربيتج هيج

ودار وجه واجه دا يطلع واني واكفه بالباب وبعدني منصدمه ومنقهره واني اباوع العذراء شلون تشهك وتبجي وتذكرت كلامهه شلون تكول عنه ومجرم وقاتل  وعصبي واثاري هو واكف دا يتانيني اتبعد من يم الباب واني صافنه على عذراء فززني من صفنتي على صوته حجه بصوته الي يخرع

هزاع  شو بالج انتي

باوعت ابوجهه مجان ديباوع علي اتبعدت من يمه بس احس داخلي يغلي من عنده خصوصا اتذكرت عذراء لمن تكول هو ميريدج  فات من يمي وطلع وطلعت وراه

-لحظه ابو عذب انته تدغي هذا صياحك على بنتك شنو حيولد يولد كغاهيه وحتتعب نفسيتهه هي بعمغ محتاجه حنانك مامحتاجه صوتك العالي او اهاناتك اله وكدام الكل غاعي (راعي )مشاعغه

شفته وكف وضل داير ظهر شوي  بعدها التفتت  مجرد ما شفت تعابير وجهه بلعت ريقي وتظاهرت بالقوه