هدية في حي الرجال

البارت ١٨

مسائكم بيلسان لو هزاع كيفكم❤🙋‍♀️

٣٤٧٢كلمه قراءه ممتعه

#هديه_في_حي_الرجال
#بقلمي_زينب_العبيدي(الزينبيه سابقا)
#بارت١٨

سمعنه صوت حواء من ابعيد كلش
وهي تبجي وصوت عذراء وهي تصيح بااابااا ووووينك

عكد حواجبه شجابهن اهنا وكام ابسرعه طلع

-دتكول شجابهن موو اكيد احلام وغى بنك عذغاء

كمت اخذت شالي با ايدي وطلعت وراه

حجه هزاع وهو يشيل بنته الصغيره ويسكتها

شنهي عذره شجابجن يابويه حجاها بعصبيه

عذراء باوعت علي لمن طلعت من بين الشجر واجيت وكفت يم هزاع

غوركت عيونها بويه حواء تبجي عليك من طلعت لهسه وانه صار ساعه افتر باالمزرعه عود اجيبها الك

-حجيت بداخلي لج اذا مطلعت خطه حقيغه من يمج لو من احلام

تعاي بويه تعاي وشبك عذراء على صدره وباسها على راسها لاتخافين بويه لاتخافين جان دكيتو علي تليفون من بيبيتج من جدج عمامج وانه اجيت شطلعج بهل ليل

يله امشينه انرد للبيت

التفت علي يله

هزيت راسي اي وحطيت الشال على راسي

وعذراء تباوعلي خزر

وهو يمشي قبلنه وشايل حواء بنته وكلساع يبوسها ويكللها تبجين جا غير اليوم الديره اشعلها 

حجت هي انت انت وين جنت

-هاي انه يمج

-مثااع (ملاحظه البنيه ترتل بحرف س تسوي ث مو رتله بس لان اسنانها الاماميات واكعه)

-ها مساع كاعدين

-انت وبيلثان

-اي

-شنو تلعبون

-هاي شلج بيها بويه جنه  انصيد سمج

-وين الثمج الصديتو

-همممم وينه وينه مالحكنه انصيد

-ليش

-شرد السمج وكاافي لاتسالين سدي هذا سدي وجر اشفايفها

واني اسمعهم واضحكز

عذراء باوعتلي صفح وعوجت خلقتها وركضت تبعت ابوها

وصلنه للبيت

دخلنه كل احنه سوه

نزل بنته هزاع وراح كعد يم اخوانه وابوه

عذراء انتي وين جنتي ماخذه ابوي هاا لاحسبالج ت....

-جنت خاطفته الابوج تحت تهديد السلاح هههه شبيج بابا شبيج انتي تغى هذا ابوج مو زوجج حتكدين مثل الضغه (الضره)تحاسبيني