هدية في حي الرجال

بارت ١١

مراحب حبيبات قلبي🙋‍♀️

هذا اخر بارت انشره لحد متخلص الامتحانات

٢٤٥١ كلمه قراءه ممتعه

#هديه_في_حي_الرجال
#بقلمي_زينب_العبيدي(الزينبيه سابقاً)
#البارت١١

دخلت للبيت وكبل للغرفه جانت الساعه ١١ كلهم نايمين

عيني ما اخذت نوم واني اراجع كل صور هزاع براسي شلون يصيح وشلون من عصبيته عروكه تطلع وشلون يشد قبضات ايديه وصوته اليرعد على كد ماعالي وبي خشونه كلش عجبني موقفه اليوم كلش من اتصال مايتعده الدقيقه حلالي مشكله جانت ح تخرب حياتي كلها لحد ماحتوشن على تفكيري كل صوره ودكات كلبي تتسارع كلما اذكر باجر راح يعقد علي شنو ديصير بيه من موقف واحد دخل ابراسي لو اصلا اني جنت مهتمتله من قبل بس اكابر

من فكره لفكره ومن صوره الصوره لحد ما خذاني النعاس ونمت

كعدت على صوت عليا وهي تكول كعدي يالحلوه كعدي عروستنا كافيج كسل

فتحت عيوني عغوستنا (راجعت الي صار البارحه كله اي عروسه )ههههه ابتسمت الها

صباح الخيغ عمغي

-صباح الورد والنسايم العليله
يله ياحبيبه ابوي يكول ساعه ويجي السيد يعقدلكم كبل لايجون خوانج

ابتسمت بخجل حسيت خدودي صارن جمر من الحراره

-يبوووي فدوه عين الله ورسوله اعليج يابخت اخوي بيج

يله يله بسرعه وسحبت البطانيه مني

عليا يماااه ماشاء الله شنهي هل رجلين خايبه جا عليش ابو عذيب يتريك بعد وعنده قشطه هنا

غطيت رجلي بخجل يمه حجيها خلاني ارتبك اني مو بسهوله ارتبك واستحي بس هاي شديصير هسه ما اعرف

كمت من مكاني باوعت ع الساعه الي باالحايط جانت ب٩ حطيت الشال على راسي ولاول مره اسوي هل شي من ذاتي
طلعت للحمام اغسل

وبطلعتي شفت الحجيه وبس شافتني هلهلت وضلت تهوس
كلللللللللووووش اعذرنيي يايمه موش حيلي لولي عذرني يايمه ومووش حيلي لولي
وتلوح بشيلتها اللابستها

واني اضحك وبسرعه اجت دره تركض من المطبخ طايرره وبيده جدر اتطبل عليه

وتهوس الليوم ادبج دبج واكسر الكاشه احنه اهل الولد واهل البنيه
وتهوس

وشويه ثواني اجت عليا وهي تهوس وياهن
وهزوعي رايد رايته وعايف بنات اولايته
وهزوعي رايد رايته وعايف بنات اولايته

واجت شيماء وفدوى خواته من ابوه وهم يهوسن ويركصن دبج واني ميته ضحك والحجيه زري كاعده على صفحه وهم تهوس وياهن وتصفك

وعذراء واكفه على صفحه تخزر بيه خزر
الظاهر كلهم يدرون وماخذين باص من الشيخ

اجت احلام وامها واحس احلام اتريد تفجرر بدون مبالغه وعاكده حواجبها وتباوع علي بخزره لو النظرات تسوي شي جان حركتني نظراتها