هدية في حي الرجال

بارت ٥٢

مراحب حبات قلبي

ملاحظه/شغتكم تتسألون عن التصوير الي عند اعناد من وين يمكن ماانتبهتو لمن كلت هو لزم واحد من جماعة المورطين سعيد وضاربه ومعترفله ومنطي التصوير

٥١٠٠كلمه قراءه ممتعه

#هديه_في_حي_الرجال
#بقلمي زينب العبيدي (الزينبيه)
#بارت٥٢

عماد هلا بت عمي دره شلونج

-هلابيك عماد انه بخير انت شلونك وشلون عرفت انه المتصله اعليك

-شلون ما اعرفج شسالفه ياخويه وبعدين انه حافظ رقم عمتي ام هزاع وصوتج اعرفنه
اعله العموم انا ردت احجيلج جلمتين وانتي وضميرج بعد

-كول ياعماد اسمعك

-خويه ادري مايحكلي اطب بينكم ولايحكلي اسوي فرد شي لنج ضكتي الي ضكتي من عناد اخوي لجن عناد مريض موش صاحي نفسيته تعبانه وانتي ادره بعد هو من يوم وفاة ام عذاب اخيتي الله يرحمها واليومه هذا اعناد تغيرت فعايله وشفنه عيونه تجدح غيض وحقد وغل اعلى ابو عذاب كل احنه لاحظنه هل شيً وحتى يوم تزوجج نفس الشي

لجن الغريب بعد ما تركتي يادره عناد لليوم الله شاهد اعلى كل جلمه اكولها وحق لااله الاهو يتغده مايتعشه وجه تغير حيل مو ذاك الاولي وموش بس هيج
هسه مدري احجيها مدري عيب بس خل احجيها احسن حتى تعرفين كل يوم امي لو حرمتي تدش غرفته تلكاه حاضن ثوبج ونايم وصورج مالات العرس  اعلى المخده منيمهن هو مايحجي لحد لجن شفناه شوف العين والله شاهد اعلى جلماتي عناد حيل متأذي بفراكج دره تراج انتي حب صباه ويمكن من صرتي كريبه منه وتالي عفتي عرف قيمتج  تعود اعليج واعلى وجودج دره ياريت لو تفكرين وترديله

جان هو يحجي واني اباوع ع دره عيونها يصبن دمع بدون صوت وبيدها كامشه وتعصر طرف دشداشتها حيل ردت هي عليه

-عناد هو كلك هل حجي موش صح وجاي توصله الي علمود تكسر خاطري وارد للطك والظيم لا والف لاياعماد وصله هل حجي

-لاخويه صدكيني عناد مايدري وحك ربج بس انه هم اخو واحس بي كلت بلجن اكدر اسويله شي واساعده فقررت احجي وياج جود الله تحنين اعل...

سدت دره التليفون بوجهه وهو يحجي وبجت بصوت عالي وهي تكول ربيييي شسسسوي ربييي انت هم تشهدلي شكد احبه وشكد بجيت اعليه لحد ماغركت بدموعي لجن شسووي خايفه خاااااايفه منه

شبكتها اسكت بيها ياربي تكسر الكلب خطيه دره حياتها ما استقرت ابد كأنما بدوامه ومراضيه توكف وتستقر

سكتتها باالكوه وصبرت عليها ومابيدي اي شي اسوي غير احاجيها وهي هم مابيدها غير تدعي وتتوسل باالرب
...............

راحت ايام واجت اسابيع دره من سمعت بكلام عماد وهي ماتشتهي الاكل و٢٤ ساعه ضايجه ماتت ضحكتها كلش جنها جاي تواسي عناد وتعذب نفسها وياي