هدية في حي الرجال

البارت ٩

شلونكم حبيبات قلبي🙋‍♀️❤

اي نحجي شوي شفت التعليقات يكولون ليش الناس تحجي ع بيلسان مايحجون على احلام لان كاعده بيت الشيخ وهي هم غريبه

لاحبيبات قلبي هذه فرق احلام مطلقه وعايشه وي امها لان ماعدها احد غير امها وخواتها وهذه تفرق اكو عدها اهل من دمها بهذا البيت

بس بيلسان تعتبر غريبه وماتمد الهم بااي صله قرابه او دم

٣٢٢٤ كلمه قراءه ممتعه
سارونه اقري نص وضمي نص الباجر تتعشين بي🤣

#هديه_في_حي_الرجال
#بقلمي_زينب_العبيدي(الزينبيه سابقاً)
#البارت٩

ذب ثوب التكبر مايلوگ عليك
وخل نفسك ترف لا تاخذك عزه
گص خشمك اذا خشمك يبس
ميفيد اليابس ينكسر والأخظر شعزه الدگلك بالطبل رادك تهزله الراس
وانته بهالمعاني اعرف المغزه

سمعت الشيخ وهو يكول هابويه هسه صايرين

هزاع. عرفت ماكو اي مجال بعد مو سالفه مجبور بس ملزوم بيها مادري ليش حسيت هل حرمه انه المسؤول عنها من دون خواني بس شلون والفرق البيني وبينها شلون راح ترهم عسى تقبل بشروطي وافتك من هل بلوى الي لفتني تالي عمري

كتله صايرين شيخ بس هاا كتلك بشروط
لان اعرفن روحي زين من هيج استر على حياة لبنيه وياي وخليها توافق على الي كلته من شوي

الشيخ حاضر بويه

..............

بعد ماسمعتهم حسيت الكلام داينحجي عن سالفه زواجي واضح من حجيهم

نفخت ريشاتي ودكيت الباب

الشيخ دشي يبوج

دخلت

بسرعه كام ابو عذاب من غير مايباوع علي يله شيخ محتاج شي انه ماشي

الشيخ لابويه مامحتاج بس هااا لاتبعد اخاف احتاجنك بشي

هزاع ماني مبعد رايح يم رعد وبكر اشوف البضاعه الجتهم اليوم الصبح اذا حتاجيتني دك اعلي في امان الله

الشيخ في امان الكريم بويه

عبر من يمي ما باوع بوجهي ولا كأن اني موجوده كباله حجبت بداخلي هه ويغيدوني اخذه بعد ماحزغت هزاع باشه

الشيخ شبيج يبوج تعااي عليش صافنه

ابتسمت بوجه وكعدت كباله

-شنهي بنيتي شماجايج تغدين احلى واحلى الله يحفظج يابنيتي

مافهمت شنو تغدين بس الفسرته من كلامه يعني تزيدين باالجمال هواي كلام مدا افهم عليه كلامهم يختلف من منطقه الى منطقه رديت ببتسامه

-عيونك الحلوه عموو

-هههه ..... سمعي يبوج انه عادج ابنيتي وانتي عادتني مثل ابيج موش صح