هدية في حي الرجال

تصبيره من 58البارت الاخير

عمي ردتو تغشيشه هاي تغشوشايه وتصبيره لعيونكم

انتم بديتو والبادي .......

اخذ حسره خفيفه
سمعيني يبنت الناس الحجي بيناتنه صارلي يومين من رحت بيتج وجبت تليفونج من البيت و (سكت شوي ورجع كمل)
لكيت بكر داك اعليج ٣٥ مكالمه وداز رساله

عليا ياااا فتك طره وفر بي شيريد هل الهتلي عكب الي سواه شنهي ابو عذيب بس لا رد للسلف هل المهتلف

-ام كرار خويه انطيني مجال خل اكمل جلمتي وبعدين تعرفين كلشي ...اي يابنت الناس وانه من حروره الموقف والغيض البيه اعلى بكر دشيت اعلى الرساله وقريتها
والحجي بيناتنه فكرت جثير بجلماته كبل ما اجيج واكعد كبالج
وهذا يفسر غيبتي هل اليومين

جان يحجي هو يسبح بخرز مسبحته
حجه هل كلمات وسكت مد ايه بجيب دشداشته طلع تليفوني
هاج عليا انطيها تقره المكتوب
من حقها تشوف وتقرر بنفسها

كمشت التليفون من ايد عليا واشرتلها بعيوني تطلع بره وي ابتسامه مرسومه ع شفتي

شفت عليا ابتسمت ابتسامه اكبر من ابتسامتي وبين عليها الفرح بدون ماتعرف حتى شنو اريد من هزاع او شنو ح احاجي

وبسرعه كالت يا هذا كرير دهر صابني داك اعلي ثلث مكالمات وتليفوني صامت من رخصتك خويه بس احاجي خاف صاير شي لو محتاج شي

-اخذي راحتج لجن مو تتاخرين

-صار طلعت ورادت تسد الباب اشرلها هو لا فعافته مفتوح ع النص

حجيت اني قبل ما افتح التليفون واشوف الرساله
-شنو مكتوب ممكن اغف

-هاي التليفون بيدج وجدامج شوفي

-الصغاحه مالي نفس اشوف حتى غقمه وما ح انسه الي سواه بيه طول عمغي

-يمكن لو قريتي المكتوب يتغير رايج

-ما اتصوغ بس هم ح اقغه (اقره)

فتحت الرساله وجانت جريده ومكتوبه نصاً
(بيلسان ليش ماتردين انه مارايد شي منج رايد احاجيج وبس ياريت لو شفتي رسالتي تردين علي عليج بروح ابوج
اول شي انه ندمان اعلى السويته بيج بس وربج والله ما سويت السويته بيج دنائه بيج ولا جان تفكيري موش زين وياج لاوحك الخالقج بس انه سويت الي سويته حتى تضلين ليه وماياخذج احد من ايدي حتى لو غلط بس لان احبج من صدك بيلسان سويت الغلط
ياريت لو تسامحيني وتنطيني فرصه ثانيه اكفر بيها عن ذنوبي
انه دريت بيج اتطلكتي من مده ورايدج بلحلال وشاريج بروحي مو بفلوس ولو ما ادري بيج مطلكه ماجان راسلتج ولا تكربت يمج بيلسان اريدج تصيرين مرتي واصير الفارس الي ياخذ باايدج واوعدج اعوضج عن كل الحرمان واحول دمعاتج ضحكات واحول احزانج افراح نتزوج ونعيش ببغداد لو تردين اخذج لسليمانيه يم خوالج وين ماتردين انه حاضر انسيج كلشي  اعيشج عيشه بعيده عن الهم والغم وربج العظيم انه ندمان وشاريج واحبج وانه سويت عمليه اعلى رجلي ثنينهن والي فتره من كمت على طولي وفدوه يرحلج لو ماكمت لان السويته بيج يستاهل تاخذين روحي مو بس رجلي بس ترى لاتنسين الرب بجلاله قدره يسامح ويغفر ياريت لو تسامحيني وردي علي حتى لو برساله وفكري زين الغيري بعد الي صار بيه وذلتي جدام السلف ورجلي الي سويت عليهن اكثر من عمليه اله كمت عليهن جان راح برويحته العزيزه لجن انه غير مستعد اموت واحيه الف مره اعلى مودج صدكيني لاهزاع ولاغيره يستاهلج ويحبج بكدي انطيني فرصه وشوفي بعينج حتى لو بس فتره خطوبه وحكمي علي اتمنه تردين بروح ابوج ردي)

صفنت بكلماته و  ركزت هواي  وجان من ضمن  كلام بكر كلمات قريتهن بدفتر هزاع  حسيت بيهن شبه من المحاوره الكاتبها هزاع بدفتره مثل  فارس وضحكات وافرح واحزان عرفت ان من قره الرساله حضرنه ذكن الابيات

رفعت وجهي بوجه هزاع الي جان صافن بلكاع  وهو يفر با المسبحه ع اصبعه

-وانت شنو غايك بكلامه

حسيت جن فز من صفنته
-رايج اهم من رايي

-بس انتم اهلي واني لازم استشيغ واحد من اهلي يكون كبيغ وفاهم وما الكه احسن منك

اخذ حسره وضل ساكت ثواني وبعدها طلع باكيت الجكاير من جيب دشداشته وسحب جكاره بين شفايفه من الباكيت وباايده الثانيه الجداحه شغل الجكاره

وضل صافن اخذ نفسيت وباالثالث كال

-مالت الله راح احجي وموش الاحد بيها مصلحه لان باجر هم ورانه حساب ولحد ضيج وانتي استشرتيني ك واحد من هلج
(سكت شوي وكمل)
عاشرت بكر خمس سنين جان الي نعم الاخو والصديج والينكر الخوه موش انسان و وكفاته حلوه الي و انه افزعله بااول جلماته لجن طعني بصفاحي وغدر بيه وانا بنفسي تعجبت من فعلته لان اخر توقاعتي هاي وبعدها صار الي صار وعرفت سوه هيج بدافع ..... (سكت شوي وكمل)حبه الج وهم اخذت حكج منه وبهل خمس سنوات جان بكر يحجي كله بحبه الي ضيعه
ورساله بكر توضح حبه وتوضح ندمه ومبين ان جاي يحجي الصدك لاتنسين انه عاشرته واعرفن بي هواي زينات فا .....

(سكت مده ٢٠ ثانيه تقريباوكمل) فا.. اذا تردين  تنطينه فرصه ثانيه فهل شي موش عيب لا باالعكس زينيه منج ويمكن صدك هو الي راح يسعدج وهو يعوضج عن الحرمان والاذيه الشفتيها هاي وجه نظري وانتي ردتي نصيحتي ك واحد من هلج وانه نطقت بحك الله  بس الاهم من هذا رايج وقرارج انتي وكلشيي راجعلج

(جان يحجي ويعصر ع قبضات ايديه ويسكت بين الكلمه والثانيه احسه ما مستقر)

حجيت اني بدون تردد بعد ماكمل كلامه

-وانت

رفع وجه وباوع بعيوني وعكد حواجبه
-انه ..انه شبيه

-شنو حتسوي يعني هماتين ح تتزوج

رجع دنك يباوع المسبحته
-وشدخل هاي بهاي

-بس هيج حبيت اعغف

-ما ادري اذا راح اتزوج لو لا بالمستقبل لجن هسه لا ما براسي الفكره كلش خلي اشوفن درب ولدي وبنياتي واباوع المستقبلهم اهم مني انه خذيت حصتي من الدنيا والحمدلله على كل حال ما معترض على حكم الله ونصيبي

-اذا غحت وسافغت (اذا رحت وسافرت) وتزوجت عادي عندك

-هاي حياتج وانتي حره بيها محد يجبرج منا ورايح لاتخافين اختاري ليريحج انتي اختاري حياتج

-هذا مو جواب السؤالي داكولك اذا تزوجت عادي عندك

سكت شوي وحجه
-.....

🙂🙂🙂🙂🙂🙂💔