هدية في حي الرجال

بارت ١٦

مرحبا حبات قلبي مسائكم عافيه

٤٣١١كلمه قراءه ممتعه
#هديه_في_حي_الرجال
#بقلمي_زينب_العبيدي(الزينبيه سابقا)
#بارت١٦

العصر بيت الشيخ سلمان باالديوان تحديدا

جان موجود الشيخ سلمان واحفاده فقار وفارس وبعض الوجهاء والفرايض وعناد وعمي ابو عناد

دشينه انه وابوي لان الشيخ سلمان طالبنه

السلام عليكم

الشيخ سلمان حي الله ابو هزاع حي الله ابو عذاب ياهلا ياهلا جثير الهلا حياكم الله

الشيخ عبد الله باالمهلي وحي الله من حيه

سلمنه على الشيخ والكاعدين

عدا عناد وابو مارجعوا السلام بحكم سنين العداوه الي كبروها هما موش غيرهم

فقار يااا حمييد صب اكهوه حي الله من جانه

الشيخ عبدالله شلونك يشيخ وشعلومك وش اخبارك

سلمان والله يبو هزاع عايشين ومستوره بفضل واحد احد

الشيخ عبدالله الحمدلله

شيخ سلمان يستحق الحمد

اجه حميد وجايب الكهوه للكاعدين

هزاع خير ياشيخ عسى الجمعه خير

الشيخ سلمان خير بوجهك ابو عذاب اشرب كهوتك

ابو عناد السموحه ياشيخ ماني شارب كهوتكم لحد ماتحكم بحك الله بينه وبين ابو عذاب وعصابته الطاشهم بحي الرجال يهرجون ويمرجون براحتهم

ضحكت صفح  حلوه مال عصابته

شيخ سلمان شنهي ابو عذاب شصاير بحي الرجال

هزاع ماصاير ياشيخ عادي كاعنه وحينه واجب اعلينه انحرسه بدمنه ونحرص على شبابه من الحشيشه والشرب والمكسرات الكثرانه هاي الايام شنهي زينه لو موش زينه

عناد بس انت باأمارت منهو حطيت سيطرات وسلمتهم سلاح موش مرخوص

هزاع بشنهي ضارينك عصابتي على كولت ابوك يعناد
.

عنااد ضارين بهواي اشيه معطليني دوم تدري جم بضاعه ابضاعه اتعطلت بسبب تفتيشكم المايخلص وبكل مره ماتلاكون شيعندي بس هي عداوه وبس

و انه ادريكم شاكين بيه وانت باللسانك حجيتها يبو عذاب طكيتها طك بوجه اخوي عماد وكتله اشك ابضاعتكم وحجيتها اشكرا وضلمت حظك وبختك بليه اي دليل علينه

وهذا يوضحه تفتيشكم الي بس ابضاعتي يطول ساعات  من دون الداشين للسلف وانه اليوم خسرت بضاعه كامله ضلت اعليه والسبب اتاخرت على شرايها بهيج حاله انه وين اودي بضاعتي الضلت على مكفاي

-اي حجيتها وماني خايف وارد اكولها مره وثنين من حيث انت الوحيد الي جاي تعترض اعله السيطرات والتفتيش والمامش شي حدر شليله مايخاف موش هيج لو انه غلطان