هدية في حي الرجال

بارت٤٥

صباحكم عافيه حبات قلبي🙋‍♀️❤❤

#هدية_في_حي_الرجال
#بقلمي_زينب_العبيدي(االزينبيه)
#بارت ٤٥

رفعت عيوني ع صوته وشفته دخل وبيده ابنه ودخلن وراه بنين وعليا

حسيت جسمي كله يرجفه بلعت ريكي بباوعت الزينب كمشت ايدي هي تصبرني ووغمضت عيونها وفتحتهن بااريحيه جنها دتكلي اتنفسي ع كيفج
اي صح ع كيفي مصار شي مصار شي مصار شي اني ردت هذا الشي اهدي اهدي هيج جنت احجي النفسي بس هيهات مجرد حجي جان كلبي يعتصر ظلمت روحي بقراري

باوعلي هو ابتسملي ابتسامه خفيفه جنه يريد يهديني جنه الي واكفه يمه متخصه واتقدم علي

وبنين وعليا واكفات باالباب

اجه وكف كبالي وكال حبيبتي بيلسان هاي بنين اجت مثل ماردتي ارجع اكرر اجت حالها حال االبنات خواتي بهذا البيت طبعا البيت الثاني موجود يمته ماتكولين بعد ما اتحمل وجودها اخذها واردها اهناك بس علمود لا يضل اي شك بكلبج

هزيت راسي بااي معندي اي حجايه تاه الحجي مني وما اعرف بشنو اعبر وشنو احجي بس الي كاله مثل ما انتي ردتي اي اني ردت اني ردت

-شوفي بويه هي خايفه وقلقانه كلش موش من شي بس هي كالت ما ادش البيت خاف بيلسان ماراضيه واجي البيتها قنعتها عليا كلتلها هي رادتج ابيتها
كالت اسمعها منها ياله ادش عتبة بابكم وهاي جدامج واكفه تتاني منج جلمه اتفظلي

هزيت راسي اي وتقدمت عليها بس احس جسمي يرجف ابد مو ع طبيعتي كأنما مبرجمه كلبي يوجعني مو من هزاع لا هاي ظروفه جبرته ولا من بنين لايمكن صدك هي الزمن فر بيها وجابها بس من السم الي جوه من سم احلام وامها من الحجي الي راح اسمعه

صرت كبالها باوعت بوجها  موبيدي ما اكدر احبها اخذتها شوي بعيد عنهم
شوفي بنين انتي يمكن صدك الوكت تعبج وجابج علينه بس هزاع مو زوجج ولا تحسين ولاتفكغين بهذا الشي لان انتي غدتي بيت يلمج انتي وابنج وغدتي فقط ماتنحغمين من ابنج

واني ما ح احغمج من ابنج لان هذا باالنهايه طفل اكثغ شخص يحتاجه امه وابوه واني اعغف كلش زين الواحد من ينحغم من هذول الشخصين شنو يصيغ بي واني مو شغيغه لحتى اعذب طفل اصغيغ

بس هزاع متعتبرينه زوجج غايتج اتضل نفسها بيت وستغ وبس مثل مجان هو حسباله مطلكج وانتي جنتي بدون زوج اغيد ايضل هيج حالج هزاع تعتبغي ابو ابنج وبس شيلي من تفكيغج تغى ماتتخيلون شنو ممكن اسوي

بنين خيه وراس اوليدي هذا الجدامج ماجايه اخذه منج زلمتج يضل زلمتج انه جدامهم كلت وحلفت وهسه جدامج اعيد انه لاني جايه ضره ولاني اريد رجلج ولا اريد منه اي ششي يخص المره وزلمتها الله شاهد اعلي من فوك وارد اكلج وعلي لو مامات ابوي مجان لفيت ولاشفتيني ولا كدرت خاطرج بس ياخيه شسوي وين اولي وين انطي وجهي وانه حرمه موش رجال و وكتنه مايرحم حرمه بليه والي