مرحبا حبايب قلبي❤
نحجي شوي عن شخصيه هزاع
اتمنى النصايح الي جاي ينطيها هزاع البيلسان متضوجكم لان هو هذا عقله وهذا بيئته اتربه على الانضباط والالتزام
مثل ما بيلسان تربت على الانفتاح والحريه هو ايضا تربيته تفرض عليه الالتزام والحشمه وهذه السوالف يعني
باالمختصر الي يربه على شي يصير يمشي وي دمه بس شفت البعض يتضجر من كلامه ونصايحه ترى هاي تربيته
هما ثنينهم ندين مختلفين مادري اذا راح يستمرون رغم كلشي لو ما الهم حياة وي بعض
#هدية_في_حي_الرجال
#بقلمي_زينب_العبيدي(الزينبيه سابقاً)
#بارت١٥
طلعنه من العرس وجانت الساعه ب٧ ولمن وصلنه لسيارة هزاع صعدت عذراء يم ابوها هم واني كعدت يم البنات اتذكرت مساع شلون يحاجي بنته على حساب مشاعري بلعت الغصه احس ابفراغ اتمنيت بابا وتمنيت هذاك الدلال اتحسرت بصوت شوي مسموع
عليا افاا تتحسرين يارويحتي شنهي
ماحجيت اي شي بس باوعت للمرايه لمكان نظرات عيونه
حجيت واني اتباوع عليه وهم نفس الشي مبيه شي حبيبتي
و ورى فتره من الوكت وصلنه يم باب بيت عليا
عليا مشكور خويه رايتك بيضه الله وياك الله وياجن حبيبات اشوفجن على خير
الكل الله وياج
وقبل ماتنزل اتقربت ليكدام ومادري شنو همست بااذان اخوها
هو رفع بس اعيونه باوع علي باالمرايه
وبعدها عليا نزلت
وماحرك هزاع السياره اله لمن دخلت اخته للبيت وسدت الباب مال بيتهم
وبعدها تحرك وشوي و صلنه للبيت طبك السياره يم الباب كلش
نزلنه وكبل عدل دخلت للغرفه جنت ضايجه وبنف الوقت تعبانه من الحذاء الي كسر ظهري تكسر نزعته واحرك اصابع رجلي
اااه انها الحغيه(الحريه)
دره شموازيج يخايبه لابستلج حذاء طوله شبر وتصيحين انها الحغيه
ابتسمت وكمت اخذت دشداشه فانيله بيضه وبيها دوائر سود صغار متفرقه طولها ثلاثه ارباع ربع ردن
مسحت وجهي من المكياج وتمددت ع الجربايه ودره نفس الشي غيرت ملابسها وتمددت وهي تكول يمه تعبنه تكول جنه نكرب
-بس تدغين اول مغه اشوف عغس (عرس)بهذه الضخامه وناس هوايه
-احنه معارفنه هواي جا لو تشوفين بعرس احمد شصار عدنه هنا يكولون الشارع انسد من الطول للطول وبيتته يشيل ومايشيل
ويكولون بعرس ابو عذاب اكثر بس حيث انه مافطنت اعلى عرسه الاول
عوجت حلكي مادري ليش ومن شنو ضجت
أنت تقرأ
هدية في حي الرجال
Lãng mạnهي فتاه من طبقه مختلفه ودين مختلف صغيره مدلله يعبث معها الزمن لتذهب هديه لثلاثه من الرجال فمن سيكون الاحق بالهديه((هدية في حي الرجال))
