هدية في حي الرجال

البارت ١٤

مراحب حبات قلبي شلونكم عساكم ابخير❤🙋‍♀️

حبايب كم مره كلتلكم النشر مامحدد بوقت معين اني انطيكم خبر ع المنصه دائما قبل النشر لذالك تابعوا المنصه وتعرفون اذا اكو بارت اولا

٣٧٨٣كلمه قراءه ممتعه

#هدية_في_حي_الرجال
#بقلمي_زينب_العبيدي(الزينبيه سابقاً)
#بارت١٤

اجت دره انطت عليا المداليه صغيره زركه بيها عين وداير ميدورها عيون صغار كلش

علكتها باالبدله من داخل يم صدري بحيث ماتبين  وهي تكول هاي يمانيه اصليه يخيه تحفظج من العين

وعدلتها وباوعت على ايدي

جا وين حلقتج

-ما ادغي ضلت يم هزاع

-زين سمعيني هسه تحطين عبايه على راسج  حتى لايشوفج واحد من الولد
وتصعديله  فوك

اول شي تعتذرين على سوات امس وتكليله انتي طلعتي علمود تشوفينه هو من حيث سوالف دره وحجيها عنه حببتج تشوفينه وهو كاعد باالمزرعه وتسمعين كعداتهم  الشعريه خوش
هو صدك عذر اقبح من الذنب بس راح يبرد عليه شوي

وثاني شي تسألينه عن حلقتج وقبل ماينطيج ايها اتعثري باالعبايه وطيحيها وخلي الزلمه يتخبل من حيث هو ضال صار خمس سنين ماشايف حلويات  وضحكت
وخبرج الي ضايك الحلويات وينحرم منهن يحن اكثر من الماضايكهن كلش

ابتسمت اني وخجلت كلش

عليا ها وخاف تشوفين احلام منا منا حرمصيها  بدربج ماوصيج بنيتي

-من عيني تدللين

-اي ترباتي يله روحي وانه بظهرج ههههههه

دره خايبه عليا وعلي انتي داهيا خافن انوب يصير شي

عليا خايبه ماتسكتين انتي اجبن من اسماعيل ياسين شيريد يصير يعني

انطتني دره عبايتها واني كلبي يدك يدك وايدي يرجفن

لفيت نفسي عدل ولان الكعب عالي ما اتعثرت باالعبايه امسيطره شوي

بس هم رافعتها شوي بحيث طالع فوك بشويه من جفوف رجلي