هدية في حي الرجال

البارت ١٠

شلونكم حبايب 🙋‍♀️

عذروني ع التأخير😁

١٨٣٨ كلمه هذا قليل مثل ماردتو قراءه ممتعه

#هديه_في_حي_الرجال
#بقلمي_زينب_العبيدي(الزينبيه سابقا)
#البارت١٠

سمعت كاظم وهو يحجي ههه  بس ماجنهم احجايات حسيت بخيبه امل جبيره وبأذني سمعت كسرت كلبي خليت ايدي اعصر مكان كلبي وبلعت الغصه رمشت بعيوني امنع دموعي اتطيح
ليش اني شسويت الهم وهيج يسون بيه

ركضت الغرفتي ربي شسوي يارب المسيح انت ترسلي حلها من عندك  ما اعرف الي ديصير ولا افهم شنو يعني ينهى علي شسوي

حجيت واني دموعي تنزل
معقوله ثقيت باأخواني هه شنو هل غباء  مو يوسف نبي واخوته غدغو(غدرو) بي
غببببيه وساذجهه مغفله  ثقيت باالناس الي من عرفتهم لليوم ماشافت شي حلو من يمهم وفجئه يتغيرون ويصيرون طيبين هذا الشي حتى الغبي يفهمه

وضربت راسي

اتجهت للشباك فتحته وعيوني للسمه احس اختنكت وهوى ما اكوا  صليت للرب صليت لان احس غصه بيه وخيبه

كأن صوت بأذني همسلي او عقلي الباطني كلي  محد ح يخلصني غيره مو هما ديسمونه سبع السلف اي اتنخه بي هو يمكن يكدر يحلها الي هو هو الوحيد الي اجه في بالي

كمشت التليفون اجت عيني على الساعه اتأكد من الوقت شفته ب١٠

طلعت اسمه بدون تردد الوحش اتصلت بي
دك دكه كامله ما جاوب مره ثانيه هم مجاوب ...

عضيت على شفتي بقهر  ليش متغد

وبس انكطع لتصال اتصل هو

واجاني صوته حسيت امان بصوته بس سمعت  الوو

-الوو ابو عذب عفيه الحك علي

-شبيج شصايررر احجييي كويظم طكج مووو عرفت ذيل الجلب ماينعدل صبري هساع  ج..

-قاطعته لا لا ماضغبني

-جاشنهي

-سمعته ديحجي وي ابن عمي عباس ويكله غاح انزوجك بيلسان ونقشمغ عليها نجيب الها  اوغاق(اوراق) التنازل عن الاغاض(الارض) العند بابا المسجلهت بأاسمي وي اوغاق الزواج ونخليها توقع عليهم

-سهله لاتخافين محد يكدر يجبرج ماهو لعبه الزواج رفضي وتفض السالفه

-مو اني سمعت عباس ديكله واذا مقبلت بيه

وكاظم ديكوله  صح انت حتى الحيوانه ماتغضه بيك على سولفك النكسه والمكسغه بس مو بكيفها انت ح تنهى عليها وتنجبغ (تنجبر)تتزوجك

-ششنهي هو كال هيج

-اي فدوه ابو عذب شنو يعني ينهى علي وشلون ح اخلص من عدهم احس اكو خطغ بهذه حجيهم