هدية في حي الرجال

ملاحظه

شلونكم حبايب🙋‍♀️

طبعا حبيت اوضح هذا الشي اخوان بيلسان ميمثلونه🤣

الي اقصده احنه المسلمين اغلبنه واكثرنه انحب المسيح لان اغلبهم ناس محبوبين و مسالمين وعفووين

وكلمات الي انذكرت باالقصه جان لسان حال اولاد انتركوا ونهملوا وانحرموا من حنيت الاي علمود مره ثانيه

لذالك صار كرهم للمسيح باالفطره لان طبيعة الولد والبنت يميلون الى امهم ولمن يشوفون امهم بهذه الحاله والهجران راح يكرهون كلشي علمودها

بس هذا مو مبرر يخليهم يكرهون اختهم اليتيمه

......................

وشي ثاني شفت هواي معلقين على البارت الفات وكلهم يكولون معقوله فقار نفسه فقار بطل نهوة الشيخ

اي حبات قلبي نفسه

اني ذاكره الكم القصه اجتي عن طريق جوريه وباالمناسبه بيلسان ماعدها واتباد تنتظرني انشر ع الفيس

نرجع الموضوعنه شلون عن طريق جوريه اني اكلكم

جنت جاي انشر بقصه نهوة الشيخ وجوريه اتصور امعلقه على اخر بارت كالت عندي قصه وحده اعرفها وتواصلت وياها واتفقنه نكتب القصه بعد ماسمعتها من بيلسان

هسه تكولون جوريه شتقرب البيلسان

ماتقرب شي بس الشيخ عبد الله شيخ حموله(فخذ) بعشيره الشيخ سلمان

والي مايعرف شنو شيخ حموله اني اشرح
العشيره وكل العشائر ايصير الها شيخ عام و شيوخ افخاذ او شيوخ حموله يرجوعن للشيخ العام

مثلا الشيخ سلمان هو شيخ عام
وشيخ عبد الله فخذ بعشيرته يعني شيخ ثاني ايصير مسؤول عن قسم من العشيره
وكل عشيره بيه عدت افخاذ مو واحد وثنين

وجوريه تعرف بيلسان مرتين التقن بعزاء وصارت سوالف نسوان واتعرفن على بعض وضل تواصلهن قليل ع الهاتف وبس لذالك جوريه اتذكرت قصتها وطرحتها علي وكمنه اني وجوريه نقنع بيلسان نكتب القصه

وراح يكون ضهورالهم باالقصه بس شي قليل مو كلهم بس الشيخ سلمان وفقار وفارس
........................
بعد شنو ياربي خل اتذكر🤔🤔

هااا اريد كل واحد يقره لايقيس من منظوره هو فقط لان احنه باالعراق او بكل دوله اكو عادات وتقاليد تختلف من منطقه الا اخرى وشي مو بيده تربى عليه واجه للدنيا فتح عينه على تعلوم معين
احيانا خاطئه واحيانا صائبه بس يضل هل شي مو بيده

فا اريدكم من تقرون لاتحكمون ع تصرف بيلسان وطبيعتها لان ١٨ سنه تربت على شي معين واسلوب خاص

وكذالك على بيت الشيخ عبدالله ناس باالريف وتربوا على شي معين وعدهم عادات معينه واسلوب حياتي خاص

الاثنين مختلفين

وطبعا جانت وصيه بيلسان اول مانقلت القصه كا الاتي الله شاهد

ما اريد احد يحكم علي بعواطفه او بساعه غضبه او برايه الخاص
اريده يخلي نفسه بمكاني ويعيش حياتي وبعدين يحكم ع تصرفاتي
اني مو اقصد لاينتقدوني لان هذا من حقهم بس اتمنى ميكون تجاوز لا علي ولا على الاشخاص الي حيظهرون باالقصه

.............
شنو بعد شنو بعد🤔
خل ادور اخاف ناسيه موضوع

.
.
.
.
.
.
.
بعد تفكير دام ٥ دقائق مالكيت شي
بس البارت فد شوي وانزله
واحبكم❤
وتحياتي🤗
زينبيتكم🌹