مراحب🙋♀️ حبيبات قلبي❤
هذا بارت اطول من يوم الجمعه
الي متلحك تضملها شوي تسهر بي 😅
٥٣١٦ كلمه قراءه ممتعه😚💝
#هديه_في_حي_الرجال
#بقلمي_زينب_العبيدي(الزينبيه )
#البارت٤٩
وحسيت اكو نفس كريب علي حيل حسبالي يتهيالي حسيت ايد تمشي على خدي وانفاس حاره تلفح بركبتي
فتحت عيوني مفزوعه بعد ماتاكدت من الي جاي ايصير حقيقه وموش حلم
انحطت ايد على حلكي حتى لايطلع صوتي فتحت عيوني على كبرهن وباالضوه الخفيف الي يدخل من جوه الباب وضوه نقطه تقسيم الكهرباء الازرك
لمحت عيونه اي عيونه اعرفهن اعرف انفاسه اعرف عطره
للحظه فرحت بشوفته للحظه حسيت شوكي الي بداخلي خمد شوي بس ماطولت اللحظه بسرعه خفت تذكرت حملي تذكرت خباله ومعاملته وياي عكدت حواجبي حاولت ابعد ايده عن حلكي بس هو زاد باالضغط اعليها
وقرب حلكه يم ذاني
اشششش اششش اهدي درايتي صوتج صوتج يالحبيبه
اجيت احجي وياج ولج حيل مشتاكلج حيل بعد مابيه اصبر اكثر ذبحني الشوك اريد اشم عطرج اريد اشهكج بدال الهوه
من رحتي لليوم احس روحي خوت بعد ماتعودت اعلى ريحتج اعلى مجانج مااكدر اتعلم بلياج
رديلي امشي وياي يله ياالحبيبه
بعدت ايده وحجيت بعصبيه وهمس بنفس الوكت عناد امششي منا امشي لاتشوفك امي وتصير كولبه
-شلي يريد ايصير خل يصير انتي حرمتي وخذوج مني باالكوه وخذو النومه من عيني وخذو عافيتي رديلي يالحبيبه بلعباس مشتاكلج
-كتلك روح منا لاتكعد امي لو عذره ويشوفنك والله تصير مشكله و رده ما اردلك انت تحلم عناد
-لاتخليني اصيح هسه واكعدهم كلهم بعلي
-اي صيح اشوو خل يكعدون
-حجه بصوت عالي
اصي..... حطيت ايدي على حلكه وفتحت عيوني على كبرهن وشفت امي تتحرك تنكلب من الجهه الثانيه بسرعه غطيته بااللحاف واني رافعه راسي اباوع بوجه امي خوب ماكعدت بس الحمدلله ردت تشخر
باوعت على عذره وجانت نايمه هم ودايره وجهه اعلى الحايط الحمدلله همزين عذاب موش هنا نايم يم ارغد
رديت دنكت باوعت عليه وشفته مبتسم ويباوع علي حط ايده اعلى خدي
-فدوه يروحلج عناد ورفع راسه كرب وجهه من وجهي راد يبوسني
دفعته رديته المجانه كتله عناد موش بهل سهوله هاي اني ماني دره الضعيفه الي تخاف تسوي شي خافن تخسرك لا هسه انه صرت حيل اقوه من كبل (وحجيت بداخلي الخاطر الي بطني كلشي اسوي بس ماتنجاس شعره منه)
-دره محتاجج( تحسر ورجع كمل) دره الغرفه وحشه وانتي مامش بيها تدرين احضن بهدومج تالي الليل واسولف ويه امخدتج لو هزني الشوك .....(سكت شوي ورجع كمل) ....دره ترانه احبج حيل فوك ماتتصورين احبج لدرجة ان من يوم المشيتي وانه مانايم باليل الله يشهد رديلي يالحبيبه وردي وياج نومتي
أنت تقرأ
هدية في حي الرجال
Lãng mạnهي فتاه من طبقه مختلفه ودين مختلف صغيره مدلله يعبث معها الزمن لتذهب هديه لثلاثه من الرجال فمن سيكون الاحق بالهديه((هدية في حي الرجال))
