هدية في حي الرجال

البارت ٢

مراحب ياحبات القلب🤗❤

طبعا شوفو اني خليت اللدغه مالت الراء بس حتكون فقط باالحوارات مو باالسرد
حتى تكون سلسه اكثر😊

والي تكول ما افهم كلامها تشيل الغين من يمها وتحط راء ☻

والي سالوا عن القصه حقيقيه١٠٠%
واتعرفت على البطله من خلال جوريه الله يذكرها باالخير

٣٦٧٦كلمه قراءه ممتعه

#هدية_في_حي_الرجال

#الكاتبه_الزينب_العبيدي(الزينبيه سابقاً)
#البارت_٢

الشيخ ءء ابنيتي بس اهدي شوي ابوج شوي تعب علينه وخذيته للمستشفى

-شلللون عموو شبي بابا بحق العذغاء(العذراء) عليك اتكول الصدك بابا شبي شنو الي صاغله (بسرعه بجيت وطاحت دموعي بدون سابق انذار)

اتقربت علي الحجيه وهي تكول يمه صلي على النبي بنيتي ابوج مابي غير العافيه وهسه هو رايد يشوفج مشينه خل ياخذج الشيخ واروح وياج انه بعد امج يله بنيتي

مسحت ادموعي واني اهز راسي بمعنى اي ورجعت التفتت على عمو عبد الله

عموو يعني بابا مبي شي

الشيخ الله كريم يبنيتي امشينه ان شاء الله مابي شي وعافني وطلع

الحجيه يمه دره جيبيلي عبايتي وجواريبي بسرعه

كامت دره صار يمه وراحت ركض

جابتهن واجت لبست جواريبها وعبايتها وكالت يله يمه وطلعت وراها وجان الشيخ يحجي وي رجال من حجيه عرفته مصري

جا بوعذاب وين راح مو جان هنا

ابو زينب ايوه يحج بس طلع من شوي اصل اتصل عليه الشيخ فقار عشان يروح معاهم مشيه لبني .....

الشيخ زين جيب سيارة احمد و وصلنه

ابو زينب حاضر يشيخ دلوئتي اكيب مفاتيح العربيه واكي على طول

الشيخ يله مو تتأخر التفت علي دشي جوه يبا على ما يروح ابو زينب يجيب سويج السياره اخذيها يم هزاع اخذيها

دخلتني الحجيه للبيت واني تفكيري كله يم بابا الرب يحميك ويرجعك الي ياحبيبي

شوي وطلعت ابنيه عمرها ٣٠ سنه تقريباً طويله وضخمه شوي حنطيه شكلها مقبول
طلعت وهي تصيح عذره وينج يمه
اسمعت عذراء تكللها ها خاله

احلام تعاي ياخاله جا شوصيتج انه وبعدها مامكمله حجيها وطاحت عينها علي

منو هااي (حجت وهي عاكده حواجبها)

الحجيه هاي نيسان ابنيت الحجي حامد

احلام ياااء وشبيها هيج لابسه شنو يبا وين كاعدين باامريكا