هدية في حي الرجال

بارت ٢٤

مراحب حبايب🙋‍♀️

هذا بارت ٢٦٤٣كلمه🌹

صحيح اصغير بس انتم حبابون تعذروني لان اني مريضه وحرارتي مرتفعه شوي وع اعصابي كتبته الله شاهد

تعديل //من ١٢ الحد هسه جاي انشر باالبارت ما ينشر النت كلشششش مو زييين هسه انشر وطرت من الفررررح والله لان صار ٢٠ مره انشره ويحمل ويحمل ويحمل وكلشي ماكو

قراءه ممتعه

#هديه_في_حي_الرجال
#بقلمي_زينب_العبيدي(الزينبيه)
#بارت ٢٤

الساعه ب١٢ ونص خطارنه ناموا بعد ما اطمنوا عذاب مابي شي بس دوخه من فقر الدم

ضلت دره وعذراء واحلام والحجيه خطيخ باالكوه مقاومه وكاعده بس حتى تشوف ابن ابنها وحجيه زري خطيه هم ضلت تنتظر بس خذاها النوم وشوخرت وهي كاعده خذتها دره للغرفه تنام

اني كاعده اكل باالمطبخ لان ماتعشيت

سمعت صوت البنات وهن يكولن اجو اجو

وكفت با الباب اتباوع واطمن ع عذاب مجنت شايله اهميه بما ان هو بس فقر دم ودوخه قليله

شفت دخل هزاع وهو متجي الابنه ويكله شوي شوي بويه شوي شوي

اجن اخته وعماته والحجيه تكول يمه عذيب ابني يمه الولد شجاك يبعد بيبيتك

الشيخ اعلى كيفجن اعلى كيفج الولد طالع من حلج الموت وخرن عنه خل يدش

رادت عذراء تبوسه مخلاها ابوها يكلها بعدين خلي بويه خل اصعده يرتاح راحت رويحته

الحجيه يمه شسالفتك شليت حالنه اعلى الولد جان طمنتنه

هزاع وعلي الفحل يمه لو جاي الكم هذيج الساعه اله اكسر شكو تليفون باالبيت ادري انه بيا حال وانتن تليفونجن مايبطل الولد ممدود بفراش الموت اريد افهم جلمه من الدكتور ماكو

احلام هدي يبو عذاب اسم الله الزهره ام الحسن تعوذ وتقره اعلى اسمه اي والله حكك والله يلوم الي يلومك بس خوب مابي شي هسه

هزاع حجه وهو يمشي ابنه لا هسه الحمدلله بس ذب حتى مصارين بطنه

دره اوي سوده بوجهي يا بعد عمتك هسه اسويله لكمه ياكلها

باوعتت عليه وجه اصفر مثل الليمونه معقوله هذا بس فقغ دم شنو هذول الدكاتغه الي ميفتهمون

وصله ابو يم الدرج وشاله

الحجيه ولك يمه ظهرك تكابلوا اعليه انت واخوك

احمد اي خويه خل انسنده ابينه ماشاء الله زلمه ماتكدرله ابحدك

هزاع لا شنسنده ماتشوفه رجليه ويرجفن مايعيننه

حجه عذاب باالكوه بويه اكدر ..امشي

هزاع ادري يبوك ادري انه ارد اشيلك مالك شغل بيه