هدية في حي الرجال

بارت ٤٢

🌹صباحكم روح وريحان ومغفره ورضوان 🤗🤲🙋‍♀️

اليوم البارت يكون عباره عن تعريف لحياة بنين باالتفصيل وشلون وكيف دخلت الحياة هزاع👌

🌹٣٤٤٧ قراءه ممتعه🌹

#هدية_في_حي_الرجال
#بقلمي_زينب_العبيدي(زينبيه)
#بارت٤٢

رحت وي عذاب البيت عليا
وصلنه كتله عذب انت غوح اذا تغيد من اتصل عليك تاخذني

-انتي مطوله لو لا

-لا مو اكثغ من غبع ساعه

-جا خلي ادش وياج ماتسوه اروح وارد

-ء ء لالا مو اني عندي كلام خاص وي عليا

-هاا خوش حجي جا انه هنا يم ابو الاسواق خابري علي اجي اسلم اعلى عمتي من تكضين خوش

-تمام تعبتك حبيبي

-احححح اي جنت تعبان بس هسه رديتي روحي بهاي

-هههه ضحكت مجامله لان دا احس نفسي خايفه وبنفس الوقت ضايجه والغيره شاعله بكلبي

دكيت الباب فتح الباب كرار وكال حي الله مرت خالي

-هههه ياعمغي شلونك حبيبي

-الحمدلله حياج الله اتفضلي

دخلت وكتله امك وين ومنو يمها

-جوه ويمها وحده صاحبتها تعاي حياج.

وصااح يمااااه مرت خالي هزااع اجت
وكال اتفضلي حياج

دخلت وياه

ولاكتني عليا اول مافتت من الباب ع الصاله

-ابتسمت وارتبكت هلا هلاباالغاليه مرة الغالي ش شعجب شنو ابوعذيب جابج

رفعت حاجبي
-هاا عليا نصدمتي بيه شلونه كغاغ ابنج صاغ زين لو لا

-هههه اي الحمدلله

-عليا هيج سويتي بيه هااا هيج وانتي مصدكتدج عليا خاتون خوش مختلته عاشت ايدج عفيه عليكم خوش كسغتوا بيه انتي واخوج

ضاكت ابتسامتها
راح اعتبرج ضايجه ومنفعله وحجيتي هيج ماراح اخذ اعلى خاطري منج حياج الله اتفضلي

-وينها ؟

-دشي جوه موجوده بس ذجري الله ولاتحكمين كبل لاتسمعين

-هو وين ؟

-مادري ..دشي حبيبه وذجري الله ادري موش هينه لجن الي صار موش بيدج ولا بيد زلمتج

دخلت واول ما اجت عيني ع وحده بيضه سمينه شوي بحنجها دكه وشامه يم حلكها عيونها لاكبار ولاصغار وسط خدودها حمر وجها عريض حلوه لابسه دشادشه سوده وشيله سوده

ويمها على القنفه ولد ابيض وشعره اسود حيل وسبحان الله اكثر شخص شفته يشبه هزاع العين الحاجب الخشم كصت الحلك دورت الوجه الفرق الولد ابيض وهزاع اسمر نايم وايده مجصصه