هدية في حي الرجال

بارت ٣٦

صباح الروح والريحان حبات قلبي🙋‍♀️🌹

عذروني ع التاخير كهرباء هستو اجت  من ١٠ مكطوعه مادري شنو فلمهم

٣٢٣٠كلمه قراءه ممتعه⚘⚘

#هدية_في_حي_الرجال
#بقلمي_زينب_العبيدي(الزينبيه)
#بارت٣٦

جريت اسلاحي وسحبت اقسام
انجب ولككككك لاتحجي بيهااا جذذذذااااب جباااااان

-خوش حسبالك اجذب روح اسالها كللها بكر منهو تعرفينه لو لاااا ....او جيبها وتعال ليه اواجه جدامك

-ولكككككك سسسكط كافي تجذب راح اجتلك بعلي الفحل

-ههههه وليش بعدك تشك جاي اكلك هاي حبيبتي يامه تغزلت بيها وهي ضحجتلي يامه مشيت وراها يامه تلاكت عيوني وعيونها وحجن كل حجي الحب هههههه اوف صدك انك غشيم يصويحبي اريد اشوف شلون بعد الك نفس بيها هااا
وجانت بكلبي وانه بكلبها

وشلون تثق بيها بعد ماضمت اعليك هي تعرفني ومثل الزواج طرحتك ويوميه عيوني تكابل عيونها

وشلون تشتهيها من بعد ما حطيت ايدي عليها

اجتلني وفضها ودش انت السجن

حسيت كل حجايه منه خنجر بصفاحي كل احجايه تنثني ركباتي يحجي واثق من حجيه وكال اجابلها جدامك حسيت البيه نار موش اي نار جهنم سعرت بصدري

صوبت اعلى رجله اليمنه ورميته صرخ بعلو صوته

اي احس صوت وجعاته  يشفيني
بعدني ماشبعان اريد افوخ اكليبي واطفي ناري صوبت رجله الثانيه وصراخ وانه كلبي يرف ويه صرخته اييييه رجعت صوبت اليمنه ورديت اعلى اليسرى

وهو صوته ايطير الطير من الشجر

بس ما راح اجتله موش كبل مايكول هو جان خاطفها جدام الناس حتى يصير حلال جتله حتى لايكولون نهبت وردت حتى اسكت احلوج الوادم ومايحجون بعرضي

بس مادري شنهي بيه احس مالي نفس بيها صدك بعد ماسمعت جلمات هل نذل
اوكف ابوعذيب لاتصدك هذا واحد ملعب وبزر شيطان اسمع اسمع منها اول اي لاتصدكه الجذب اعليك مره   ايجذب اعليك الف موش هذا قانونك باالحياة

خليت هل حيوان ينزف وطلعت للديوان جانوا بي الشيخ وزلم السلف الكبار جماعة الشيخ

شيعت خبر يمهم لكيت حرمتي والخاطفها صديجي الغدر بيه وطلع يهرب شرب وحشيش للسلف

تعجبت الوادم وانتشر الخبر مثل البخور لو وج باالمضيف

لاكاني رعد كال شنهي ابو عذب شنهي السمعته

-مثل ماسمعت يارعد بكر الجلب خطف حرمتي لجن ماجاي يعترف ويه منهو متعامل ولايعترف اعلى جماعته المهربين
خليته ورحت وفوك راسه الف علامه استفهام