هدية في حي الرجال

بارت٢٧

مراحب 🙋‍♀️❤

والغب اسفه هذا اثاغي مامنشوغ 🤣🤣🤦‍♀️🤦‍♀️
هسه اجيت كلت بله خل اشوف تعليقات تصويتات وفتحت عيوني ع كبرهن عزززه هاي شو كلها تكول وين البارت وانصدمت ان البارت مامنشور مسحوها بشاربي 😚😑

٣٠٠٠كلمه قراءه ممتعه

#هديةفي_حي_الرجال
#بقلمي_زينب_العبيدي(الزينبيه)
#بارت٢٧

((جميله هي الصدفه !
لكن احيانا نتمنى لو لم يكتب الله لها وجودا في حياتنا ليتها تتغير اقدارنا لمحونا تلك الصدفه من قواميس السنين ))

عكدت حواجبي وباوعت عليه باالامرايه وهو يحجي وي هزاع

حجيت بهمس ب بكر رمشت اكثر من مره دا استوعب المنظر اكبالي واتاكد من الشخص

بكر نفسه اي هو نفسه ممتغير بي شي
درت وجهي ع الجامه حتى ليشوفني شلون تصير هيج صدفه وليشش

مشه باالسياره واني ضاله ع نفس حركتي ماالتفتت

وصل البنات الكبار اول المدرستهن وبعدين الصغيره واخر شي طلع ع طريق
الجامعه

وبعد مده وصلنه

وصف يم باب الجامعه وكال وهو مدنك خويه اتانيج انه هنا اتصلي اعلى ابو عذاب وابو عذاب ينطيني خبر خاف تطلعون على وكت او متاخر حتى اجي

نزلت اني حتى محجيت شي وياه ومدري كلش مجنت حابه يشوفني ويعرفني

دخلت للجامعه وتلكتني جنى وجها شاحب خطيه

سلمت عليها وكعدنه الوحدنه من دون باقي صديقاتنه وثنينه ساكتات

حجيت واني شارده معقوله شنو هل صدفه الغريبه

حجيتها واني اتذكر قبل سنه لمن جنه ابغداد وهو كل يوم يوكف الي براس الشارع و يوصلني للمدرسه بس بعيونه ما اتجرء وحجه وياي الى ان بيوم رزلته لان يتبعني وخفت ليشوفه احد ويفكر غير تفكير ويروح يكول البابا
بوكتها هو كالي احبج ومعجب بشخصيتج كلش واني ما رايدج غير بس باالحلال

اني صديته بوكتها بس ما استسلم هو لحد ماضليت اكيف لمن اشوفه واكف ينتظرني ضليت اميله شوي وحاول يحجي وياي واخذ رقمي من مريم صديقتي ويتصل وما ارد اتعزز عليه

الى ان اجه وخطبني بس بابا رفض لان جاي وحده ويخطب اهله ماقابلين بسبب ان اني مسيحيه ولان هو جبير ولان باالبصره بعيده عن بغداد وعيشتنه هناك وشغل بابا كله ببغداد صح يروح بصره بس يرجعلي ورى اسبوع

وما ايس الولد رجع قنع اهله ودك ايده برجله و خطبني مرتين وثلاثه حتى طرده بابا واني من شفته متمسك بيه حبيته هواي ضلينه نحجي بنظرات عيونه والابتسامات ومرات كلمات لمن يلحكني ويكلي ماراح استسلم واتركج تصيرين الغيري اني حبيتج وما حطلعج من كلبي
وسننه واحنه هيج وانكطع عني فتره العطله الصيفيه كلها اني توقعته استسلم وبعد ميريدني فا حتولت بقدر الامكان ابعده تن تفكيري وركزت ع مستقبلي وطلع قبولي باالبصره واخر شي جنت اتوقعه ان يطلع صديق هزاع صدفه لمن تجي ماتنطي اي انذار