هدية في حي الرجال

58 والاخير ج1

مراحب حبايب🌷☺️

عذروني تاخرت هواي بس البارت مجاي ينشر كله يمكن لان طويل هواي ٨الاف كلمه وكسور

لذلك هذا جزء منه وبعد شوي هم انزل جزء ثاني

4258
كلمه قراء ممتعه

#هديه_في_حي_الرجال
#بقلمي_زينب_العبيدي_(الزينبيه )
#البارت 58

ذا غحت وسافغت (اذا رحت وسافرت) وتزوجت عادي عندك

-هاي حياتج وانتي حره بيها محد يجبرج منا ورايح لاتخافين محد يجبرج على شي انتي تختارين حياتج بكيفج

-هذا مو جواب السؤالي داكولك اذا تزوجت عادي عندك

سكت شوي وضل يتلها بمسبحته وكال
-اي... عادي راح اتمنالج الخير الله يشهد اهم شي تقتنعين باالشخص التاخذينه

طلعت الدفتر من وره المخده هو ع حركتي انتبه علي وشاف الدفتر عكد حواجبه ودار وجه من الجهه الثانيه

-جابته حواء باالغلط

سكت ماجاوب شي

-سؤال منو الي دتقصدها بهذه اشعاغك

وهم ضل ساكت ماحجه شي

-اني تعودت عليك صغيح وابد متكذب ولا تخاف من شي جاوبني الصغاحه

كام هو كال
-انطيني الدفتر موش الاحد هل جلمات جذب في جذب ...وصدكيني نصيحه اريدج تفكرين بجلمات بكر لان اريدلج حياة مريحه انتي حسبت اخيتي هسه واتمنالج الخير مثل ما اتمنالهن

-تدغي شنو اني اعغف المن هذه الاشعاغ و واضح انك لحد هسه تحبني ومناسيني واخغ اشعاغك الي كتبتها يشهد الك
وتعغف شي بعد اني همات ..

قاطعني بعصبيه

-بيلسان لاتحجين شي صدكيني الي بالدفتر مجرد اوهام ومشاعر فارغه لان انه مستحيل احط امل بيني وبينج بعد تعرفين ليش

اول شي لان ما اريد اظلمنج بعد وانتي يتيمه والي تريدينه حياة موش مثل حياتي ابد وابالج ازلمه غير صفاتي صدكيني والتجربه خير دليل

وثاني شي انه هم جازت روحي من الحب ومن الزواج بعد الي شافته عيوني موش بس منج لا الي شافته من الكل من زواجي ومن جهالي ومن اخيتي الدنيه حملتني فوك طاقتي فمستحيل افكر بنفسي بعد هزاع الحد الهنا كافي يفكر بروحه كافي يعيش جفت روحي بيلسان جفت مشاعري

دنكت وجهي
-واني همات الي صاغ بيه من وفاة بابا وموقف اخواني وحادثه بكغ وزواجي وطلاكي كبغني هواي واكتسبت خبغه (خبره )اكبغ من عمغي هواي فتحت عيني ع هواي اشياء وتعلمت اصناف البشغ واحس نفسي كبغت وتغيغت (كبرت وتغيرت)اني هوايه تعبت الوحده تذبح حيل بدون اهل والليل موحش شكد تمنيت الموت فاتت علي ايام من صدك اتمنيت اقتل نفسي واخلص اني همات احس غوحي جفت