هدية في حي الرجال

بارت 54

السلام عليكم حبات قلبي❤

اعتذر الكم عن غيبتي الطويله هذه لكن بس الله يدري شنو صار وياي من ظرف وجنت ناويه اترك كلشي الله شاهد ومسحت كلشي بس شغفي باالكتابه اكبر رجعني الكم
ورجعت الكم رغم انوف الحاقدين🙂ولي رادو يبعدوني عن الكتابه

اعرف البعض ماراح يعذرني بس ثقو الظرف جدا قوي وخاص
واني ماشفت تعليقاتكم السلبيه لان انتو متعرفون شنو الي صار وياي بس مع كل هذا اني مسامحتكم

واشكر كل متابعه واخت سألت عني وانتظرتني واتمنى تعذروني ع انتظاركم

حبايب القصه بعد ٤ بارتات غير هذا ح انزلها الكم يوم بعد يوم
🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶🇮🇶
#هديه_في_حي_الرجال
#بقلمي_زينب_العبيدي_(الزينبيه )
#البارت54

صاح دره

ها خويه

-تعاي كعدي هنا

اجت كعدت واني ضليت مطلعت من الغرفه اما البقيه طلعن

خويه سمعيني هلساع اجه عناد وابوه وعمي جمعه ورايد يردج ويكول انه اريد ابني وامه وعمي جمعه يكفلني اي زله ويه دره ياخذها من ايدها ويجيبها الكم الصار كبل جان تعب وضغط نفسي واتعذر هواي ويكول انه شاريها بت عمي ومريتي ومستعد اعتذر الها العمر كله

عاد انه كلتلهم محد يفج حلكه كبل ما اسمع من دره وهم احط اشروطي لبراسي انتي شرايج خويه ديري بالج تفكرين بطفل ومنهو يربي انه اصيرله ابو وخال وانتي بنيتي واخيتي

-خويه انت شتكول وشنهي شروطك جود اذا سمعتهن اقنع

-خويه اول شرط يحطلج تليفون يمتى مانريد نخابرج ونتطمن اعليج ويحطلج بيت لان رده ويه اهله ماتردين الي طعنوج بشرفج والي رضو على ذلتج عمي وعماد والكل هذول ماتكعدين وياهم شي الثالث اي مدت ايد عليج بغير حق يطلكج ويتنازل عن الطفل هذا كله ينكال جدام وادم خير ويصيرون اشهود انكتبه بورقه وبهيج نضمن حقوقج.. ها شرايج

ترى خويه انه مامتعاجز منج باالعكس والود ودي اخدمج طول العمر انتي بنيتي واخيتي والقرار الج اذا شفتي الشروط تنصفج فليصفح الله عن ما سلف واذا شفتي بيها ضليمتج او خايفه من ردتج العين اوسعلج من الكاع وانه من هل شارب أوفر كل حياتج ادثرج باخجيتي عن اليضرونج

-والله خويه كفو وثلث انعام منك ماتدري شكثر افتخر انتم اخوتي وشروطك صح اذا وافق عناد اعليهن انه ارد

-ان شاء الله ورى عرس احمد وارغد نكعد ونحط الشروط جدام الوادم الخيره
ولاتخافين انه راح امرج كل يوم واذا صار ومامريتج انه اودي واحد من اخوتج او عذاب

-ماتكصر خويه

ابتسم بوجهه يله بويه طفونه الضوه خل انام