هدية في حي الرجال

بارت٣٥

صباح الخير حبات قلبي🌹🙋‍♀️

٣٣٣٣كلمه قراءه ممتعه😊

#هدية_في_حي__الرجال
#بقلمي_زينب_العبيدي(الزينبيه)
#بارت٣٥

يصح خويك يعاديك
ويصح عدوك يوافي
هاي دنيه وكلشي بيها يجوز
مره خابط مره صافي
تحط اكبالنه اشكال الكلوب
بيها التخون ومنها التوافي
بيها زنكيل
وبيها اعلى كد الحال وبيها حافي
راوتنه اشكال الوان
بشر مثل سير القوافي
لاتحزن على الخانوك
حال الدنيه جافي
بقلمي

فتحت الخط وجنت مالي خلك حتى جلمه الو احسها ثجيله على اللساني
حطيت التليفون اعلى ذاني وسكتت

اجاني الصوت الو الو بكغ صح الصوت مبحوح ورايح وشكله حيل تعبان لجن اميزه لون يصير ابين الاف الاصوات هاي الكسره بلسانها جن ما بلسان احد

حسيت جن واحد ذب اعلى راسي ماي بارد ضليت فاك عيوني اريد افكار تربط ابراسي لجن ماربطت ولا هودت ولاخلتني افهم صدمه جبيره جانت بس جلمه الو بكر تتردد براسي

ياعلي شنهي صوتي وين وين راح

اي واخيرا طلعت من حلجي بيلسسسان ولج ولج انتي وييين

فز رعد وهو يسمع احجاياتي

وانه ما اجاني غير طووط طووط صوت التليفون وكطعت الخط

...................

شمرت التليفون واني ابلع بريكي وبجيت ابسرعه يمااااه يماااه عزه اكيد اكيد كمش بكغ وعتغف على مكاني حيكتلني يمه حيجي

ركضت نسيت مرضي ورجفت جسمي دكيت الباب ع الحجيه حيل واني ابجي خاالتي خاالتي فدوه وينج خااالتي

اجت الحجيه وهي تكول اسم الله يمه اسم الله اهدي فهميني

جنت ابجي وماكو غير كلمت ح يجيني ويكتلني خالتي والغب اني بغيئه اعيد واكرر بيها وتهسترت

ضلت تقراه الحجيه على راسي اعيذك بكلمات الله التامه من كل شيطان وهامه ومن كل عينن لامه وحصنتكِ باالحي القيوم الذي لايموت ابداً ودفعت عنك السوء بالف الف لاحول ولاقوة الا بالله
وضلت اتكرر باالحجي والتليفون يدك

كلتلها ردي خاله بس اذا مو بكغ اذا هزاع كليله هاي مو بيلسان الحاجتك
................

سدت التليفون حسيت روحي تفور كمت اعلى حيلي بكر بكر بكر بكررررررر

ورعد لزمني من اجتافي وهزني شبيك هزاع فهمني خووويه شنهي

-اسمعني روح راقب باب المزرعه واذا لفه بكر انطيني اشاره خابرني

-صار بس فهمني حرمتك هاي الدكت او منهوو

-روووووح تالي اسولفلك تاالي

راح رعد رديت اتصلت ٣ مرات باالرابعه انفتح خط

اجاني صوت لجن هل مره صوت حرمه جبيره كالت الوو