هدية في حي الرجال

بارت ٤٨

مراحب 🙋‍♀️حبات قلبي شلونكم عساكم بخير يشهد الله مشتاقه الكم متابعيني❤

وصحه وعافيه من بعد غياب رجعت وياكم اكمل القصه ومستمره وياكم وشكرا الكم والدعائكم الي فرحني
شوفوني تفاعلكم كلشش مشتاقه لتصويتات والتعليقات😇🌹🌹

واتمنى الي ناسيه الاحداث او الشخصيات ماتقره البارت ترجع تراجع القصه  او تراجع البارتات الاخيره فقط وتكمل حتى يرجع ملح القصه وطعمها 🤗😗

٤٣٤٠ كلمه قاءه ممتعه

#هديه_في_حي_الرجال
#بقلم_زينب_العبيدي(الزينبيه )
#بارت٤٨

فزعت من صوت عياط حطيت ايدي ع كلبي شنو هاي العياط والساعه ٤ الفجر

نزلت اركض شفت الحجيه هيله وهي تلطم وجها وتصيح يمه ابني يمه وليييدي ولك ابو عذيييب  ردلي وليدي ولك ردلي صغير ويلاادي ولك الله يحرج كلبك كون مثل ماوجرت كلبي اعلى وليدييي

ولك ليشششش وصلت بيك الغيره من اخوك والحقد اعلي  تسجن اخوك وتتبله اعليه ااااخ يمه   حسسسبي الله بيك حسسسسسبي الله اعليك وعلى ذريتك اشششوف بيك يوممم يا ابو عذيب ويتمرمر كلبك اعلى وليدك كوووون مثل ماجمرت كلبي هلساع

اباوع ع هزاع الي يحاول يكمش غضبه وباالكوه لازم نفسه يحاول يهدي نفسسه بس من سمعها تدعي على ولده
التفتت للحجيه امه
حجه وهو صاك على سنونه

  يمه سكتوها ترى بعلي بعلي بلكوه صابر اعليها ومتحمل اكول محترج كلبها بس ترى حوصلتي ضيجه

هيله لاااا فوك شينه كوات عي....

شيخ عبد الله هيييله كافيج حجييييه كافيييج حجاها وهو حاط ايده على كلبه وصوته بلكوه يطلع وعيونه مغوركه

ليش بويه ليش ولك سعيد ليششش بشنهي كصرت وياك وتمشي بهل طريج ولك ليش تدنج روسنه جدام الله وخلكه ليششش

التفت على ابو عذاب بحسره
وانت بويه ليش مانصحته ليش مارشدته جود يسمع منك ليش بسرعه رحت خبرت اعليه

-استغفر الله ...بويه انه ماخبرت اعليه بسرعه قابل انه هيج جاهل رحتله وتلاحكته جان  يريد يشرد ومخبر ربعه

لزمته حجيت وياه بعيني واغاتي وخويه امشينه سلم روحك واعترف اعلى الورطوك حجيت ويا هواي حجي لجن لاحياة لمن تنادي شسويله
سعيد مدمن وفوك هذا يشتغل عد تجار موش اوادم ياشيخ  يعني مغسول مخه

صفك ايد باايد وكمل
شتريدني اسوي بويه هاا تريدني اسكت واطمطم اعلى بو هو اخوي لا والف لا لون عذيب مسويها جنت راح اسويه نفس الشي وزود

جيف الي راحو هم ويلادنه وشبابنه بووويه موش هينين عدنه وسعيد استغفلنه و ضحك اعلينه طول هالوكت احنه ندور اعليه وحايرين منهو يدشش الحرام سلفنه ومنهو يهجم بيوت ويلادنه  تالي طلع منه وبينه وكاعد حدر اجناحنه ويحط الحرام ابضاعتنه ياااكبرها