هدية في حي الرجال

البارت ٣

مراحب فولاذات قلبي🌚مره ثانيه طبعاً

هذا البارت قراءه ممتعه
٤٧٠٦كلمه🤪

#هديه_في_حي_الرجال
#بقلم_زينب_العبيدي(الزينبيه سابقاً)
#بارت٣

قدري... تعال الي..

، لاضمك هيا ياصغيري، ساضمك..
الي حتى وان لم اكن ارغب بك حتى وان كنت بذره خاطئه في عيني
ساضمك.. لانك خلقت لاجلي' وخلقت لاجلك' لاني مجبره على مسك يدك والسير معك الى نهايه الطريق ...ستبقى معي حتى مع تشوه خلقك وجمالك
مع كرهي وشوقي لك
مع مرك وحلوك
مع ألام عثراتك ودفئ ضماداتك
ففي نهايه المطاف تبقى انت قدري
وكلانا مجبر على تحمل الاخر

......................

للفجر كعدتني الحجيه وهي تكلي كعدي يمه عسى ايده الكسر ليلج كله بس تونين اسمعج

ابتسمت الها اي والله خالتي جسمي كوله يوجعني (احجي واتفحص بجسمي الكدمات باايدي زرك وحمر)

الحجيه ياله يمه كولي ياالله خلي نمشي للبصره

هزيتلها راسي بمعنى اي وكمت واحس جسمي متكسر عسى ايده الكسر لعب بيه طوبه

دخلت للحمام غسلت ولبست ملابسي

طلعت لكيت الحجيه وهي حانيه ضهرها باالكوه خطيه و ترتب بملابسي بالجنطه

كلتلها لاخالتي هاي شجاي تسوين واخذت الملابس من ايدها شنو السالفه قابل مكسغات(مكسرات) ايديناتي اني اغتبهن حبيبتي

الحجيه ميخالف يايمه انتي ابنيتي

-مشكوره ياخالتي حبيبتي (وبستها على راسها)

كملت الملابس

اشوي ودك الباب شيخ عبد الله جايب النه ريوك انطا للحجيه وراح تريكنه ونزلنه

والشيخ عبد الله كال خلي انودع الامام
رحت وياهم ودخلت وهماتين زرت مثل ماسويت من قبل باالنجف

وشفت مريه تبجي بحركه وتكول ياحسسين فدوه اروحلك اريد الله يقضي حاجتي بفضلك وبمنزلتك عنده

اني بجيت على بجيها والتفتت للضريح ماجنت اعرف اسم صاحب القبر الا من سمعت من المره كلت ياحسين اكيد عندك منزله يم الغب واكيد الك شأن بس اني ما اعغفك واغيد مثل ماتقضي لهاي الناس لتعغفك(لتعرفك) حوائجهم بفضل الغب اني هم اغيد تنظغ(تنظر) بحالي وتسهل حياتي وقويني بحيث ما احتاج لا لاخو ولا الاخت

وبعدها صاحت علي الحجيه يمه نيسان يله لا نتأخر

مسحت دموعي وتبعتها

و ركبنه سياره خصوصي وانطلقنه للبصره

وجان عمو عبد الله يسولف وي السايق والحجيه حجت  وياي شويه وبعدها نامت واني اتصلت على جنى سولفت وياها باالتليفون شويه