عيون النار داعش

البارت الثالث والعشرين

🍃⚘🍃رواية عيون النار🍃⚘🍃

⚘الحلقة -٢٣-⚘

⚘"الكاتبة: فاطمة علي"⚘
..🍃رأيكم🍃..

لقد ذقنا طعم
السم مع الدم
ولم نمت ......

...............................

سكينة : فتحت عيني اني بغرفة ، صوت ضحك يمي ، ايدي تأذيني هواي ، وخدرانه ، بالگوه رفعتها واباوع الايدي شاديهن ، رفعت راسي دايخه حيل ...

.... اخذت نفس اريد اركز بالمكان الاني بي ، اخذت نفس رفعت راسي ، وحده تكلي ...

نادية : ها يلعاهر كعدتي ...
سكينة : رفعت راسي الها ، اني انوب صرت عاهر ، لعد انتي شيسموج ...

نادية : ونبي الا اخليج تتمنين الموت ومتلكي....
سكينة : هههههه، ونبي ، هذا يانبي التحلفين بي ...

اريج : ها كعدت ...
سكينة : اجت الشريفه ، رجعت دنكت ، وكفت فوك راسي ، شتردين ....

اريج : ماريد شي ، بس مادام سويت هيج شي بروحج ، صدوك راح اخليج تتمنين الموت ومتلكي ...

سكينة : ميهمني الي تسوي ، يكفي الصار وياي ...
اريج : على كيفج حبيبتي ، ترى بعدني كولشي ممسوية وياج ....

سكينة : رفعت راسي الها ، هنا صدوك حسيت روحي مكسورة ومالي احد ، دمعت عيوني ، اريج اني وابني مالنه ذنب بالي دا تسوي ويانه ، اعتقيني اني وابني ، والله متشوفين وجهي ، بس رجعيلي ابني وعوفينا ، رفعت راسها وضحكت ضحكه حقيرة حيل ....

اريج : ههههههههههههييييي ، والله دا اتونس عليج ،
انوب ياهو اليشوفها يكتل روحها بالنعال عليها ، مدري شيشوفون حلو بيج ، باعي لج انتي بعد متفيديني ، بس الفلوس التجيني من وراج هواي واني راح اعتقج بس بطريقتي ....

سكينة : وابني ، راح تنطينيا ....
اريج : هم كالت ابنها ، بنتي ابن ماكو بعد خلص ، سفرته وراح الغير بلد ، واصلا اتسمى بأسمي ، وازيدج من الشعر بيت خاف يوم ردتي دورين عليه ، سميته بأسمي الحقيقي ....

سكينة : الله ليوفقج ، كمت على حيلي وردت اهجم عليها ، افترت بيه الدنيا وكعت بالكاع ابجي ، واعيط بكل صوتي ، اريــــد ابـــنــي ، وين ابـــــنــي ، ربي اني شمسوية وهيج تعاقبنـــي ، ااااااااا، علي وينـــك ...

اريج : ها ذكرتيني بعلي ، هاج اقري هاي الورقه زين ، نادية تعالي عندي حجي وياج ...

سكينة : سحبت الورقه من الكاع ، قريتها شهادة وفاة ، الشهيد علي ، سبب الاستشهاد اطلاقات نارية في الصدر والكتف ، خليت ايدي على حلكي ، لا ممعقولة علي مات ، عـــلـــــــي
......